當美國隊長遇上反斗車王 (J J 小評) (含小小內容)

lkljason

好耐未試過一口接住睇兩套戲，首先既代表係美國隊長，o係無期既底下當然就無失望啦，睇完仲比我預期中好，但當然唔可以叫好正啦！因為係首集既關系，要較長篇幅既交代，所以文戲唔小，呢個對唔係英雄迷既朋友黎講就係悶場位勒，套戲唔好理邏輯或者點解194幾年d裝備都可以唔hi-tech既大前題下，更加唔好理故事有幾大路，娛樂性都叫做可以接受，如果同雷神奇俠比，雷我覺得好睇d，起碼女主角贏9條街，一套無乜3D效果既3D戲，建議想睇既朋友睇2D版得勒，記住Marvel Hero電影例牌，千其咪心急走，等出完字幕有伏線片段仔加 The Avengers《復仇者聯盟》短短預告片。



反斗車王2 之前聽過d網上評語話第一集勁悶，呢集好睇好多，哇!!!! 第一集我已經覺得好好睇，咁今集咪不得了，講到咁正點可以唔睇優先場呀！同睇美國隊長心情唔同，呢套滿懷期待咁入場，但散場既時候真係有d失望，唔可以話唔好睇，但個人唔鍾意玩到咁科幻同埋濃縮d可能較好。今次主角集中o係哨牙o麥度，故事就唔多講留返你地自己睇，不過都講小小，因為今次去幾個國家賽車，最吸引係o係日本果度既設定，真係令你會心微笑，我自己就幾鐘意果part。睇呢套戲記住提早入場，因為一開始有反斗奇兵既短片，真係好搞笑架，唔睇必定係閣下既損失，呢套3D效果比美國隊長好好多，唔介意貴dd戲飛可以一看 (其實呢套都要焗睇3D，因為上2D既戲院寮寮可數，搵到都要蝕車錢去，咁樣不如留翻睇3D版啦)。最後粵語配音大部份角色都係原班人馬配返，親切感大增，加上把把聲都熟口熟面，真係睇戲估人仔都幾過引架，仲有超級巨聲林欣彤都有一個角色配音，配得叫做不過不失啦！

RiceR9

咁多套3D戲, 卡通片 比 真人戲效果好得多....
屋企睇都係
我諗以後真人做既3D戲可以慳番睇2D....

反斗車王我朋友好好睇, 好過熊貓, 熊貓第一集就好好睇...

lkljason

咁多套3D戲, 卡通片 比 真人戲效果好得多....
屋企睇都係
我諗以後真人做既3D戲可以慳番 ...
RiceR9 發表於 2011-8-7 20:48

不過反斗我睇完1時好回味，呢集無咁既感覺！

RiceR9

回復 3# lkljason


    我未睇過...下午都想租來睇...點知比人租左

dragonyam

Cars第一集我覺得好好睇，咁第二集應該啱我

朗

反斗車王2 之前聽過d網上評語話第一集勁悶，呢集好睇好多，哇!!!! 第一集我已經覺得好好睇，咁今集咪不得了，講到咁正點可以唔睇優先場呀！同睇美國隊長心情唔同，呢套滿懷期待咁入場，但散場既時候真係有d失望，唔可以話唔好睇，但個人唔鍾意玩到咁科幻同埋濃縮d可能較好。今次主角集中o係哨牙o麥度，故事就唔多講留返你地自己睇，不過都講小小，因為今次去幾個國家賽車，最吸引係o係日本果度既設定，真係令你會心微笑，我自己就幾鐘意果part。睇呢套戲記住提早入場，因為一開始有反斗奇兵既短片，真係好搞笑架，唔睇必定係閣下既損失，呢套3D效果比美國隊長好好多，唔介意貴dd戲飛可以一看 (其實呢套都要焗睇3D，因為上2D既戲院寮寮可數，搵到都要蝕車錢去，咁樣不如留翻睇3D版啦)。最後粵語配音大部份角色都係原班人馬配返，親切感大增，加上把把聲都熟口熟面，真係睇戲估人仔都幾過引架，仲有超級巨聲林欣彤都有一個角色配音，配得叫做不過不失啦！ ...
lkljason 發表於 2011-8-7 19:35

林欣彤係配女主角「何犀莉」, 聽聲以為係靚女添!

[YoutubeHD]W0i7iNXOHU8[/YoutubeHD]

lkljason

林欣彤係配女主角「何犀莉」, 聽聲以為係靚女添!
朗 發表於 2011-8-7 23:25

哈哈哈~~~靚唔靚見仁見至啦

朗

哈哈哈~~~靚唔靚見仁見至啦
lkljason 發表於 2011-8-7 23:59

我老闆唔知係邊個, 睇睇下問我個女主角係邊個靚女配嘅, 我話........

AST(Gym)

咁多套3D戲, 卡通片 比 真人戲效果好得多....
屋企睇都係
我諗以後真人做既3D戲可以慳番 ...
RiceR9 發表於 2011-8-7 20:48

    如果有得揀  我情願比多D錢睇2D  對3D已經好厭倦同好驚

朗

反斗車王2 嘅3D做得唔錯, 真係做到加強視覺效果!