汽車音響試後感 + 活動意向調查 ...

wil-wil

如果有機會辦到有關汽車活動，你地會有興趣出席嗎?


做呢個調查事原，今日北角開完會，無意間經遇到個好朋友，同佢傾開仲乜會係到見到佢，原來佢部車去安裝音響，所以跟佢去八下，原來佢幫親個間野大有來頭，老板廿年前於中國辦既汽車音響比賽已經係首席評判，現在歐洲汽車音響評判名單上，亞洲區代表仍然係第一名。與老板閒聊左幾句，佢話記然我玩開影音，就試幾段好野我感受下! 有野玩既當然要試 .... 試聽過之後都真係嚇左一跳!
先播【Kill Bill】慣常流星鎚個段，一黎個鎚掉落地過下都睇慣睇熟，都竟然勁到 嚇左一跳 ，全身衫褲頭髮都震到郁晒，好埋身；




之後再播【戰海豪情】，睇呢套片真係明白什麼叫做船堅炮利，但原來又唔單係硬板板既炮火聲，舺舨上既人走來走去既腳步聲清楚可聽到，加上係架汽車上既陝窄環境影響下，感覺格外真實；




跟住播【英雄】電影內既萬箭齊發既場面，由拉弓到準備、再射出數萬支箭、之後中落每一下物件上，真係細致得黎清晰感受到箭既威力，真係有 d 萬箭穿心既感覺。



******************* *******************

總觀汽車 AV 音響睇戲真係唔會輸比家庭影院!!! 但大家記住，播緊既係 DVD DTS 既聲軌，並非 Blu-ray 高清制式都已經咁勁。不過有贊都有彈，由於唔係高清格式 (現時汽車機頭未有 Blu-Ray 所致)，所以難面嚴格黎講，的夠聲畫都有些矇既感覺，加上唔知調教上定器材上高中頻較突出，對我個人喜好黎講有些尖及刺耳，但整體分數都有八十分以上!

之後再同老板吹兩嘴，原來佢縱橫汽車影音接近三十年，同樣有份堅持及執著! 所以佢交貨標準好高，每每對客人要求、喜好、手工都好嚴謹，不論汽車音響定汽車影音都好，唔會安好就算，仲要按客人使用時既喜好作最識當的調校。所以就連好熟的朋友都好，要佢趕頭趕命安裝好就交車，佢情願做少單生意。我個朋友亦都係因為老板對質素既要求而老遠架車黎比佢搞。之後比 d 威水相我睇，點知一望就比我認到其中一張相，原來曾經轉載過其它網既文章就係採訪自呢位老板 ... 汽車音響可以點攪 ~ 基礎篇 (轉載)



我見老板咁勁檔又好傾，大膽問句可以比優惠我地 76 版友嗎? 佢既答案竟然話 ... 原來你係探子 ~ 哈哈! 佢對我地其實略有所聞，只係無想到家庭影音網都會找佢，所以佢就一口應承，仲好人到立即帶我認識埋隔兩間鋪既知名洗車屋既好朋友。等我地傾好有什麼優惠後，再係 Friend-Club 合作商戶內公佈。

最後，發揮我搞活動本色，問下老板搞【入門汽車音響可點樣搞】、【選擇沒汽車音響要注意既野】 ... 等等。老板話見我係佢熟客仔個老死，又係知音人，初步一口搭應，且仲話如果搞得成，到時可借幾部正車出黎做 Demo，真係唔話得!


所以想同大家做過簡單意向調查 ... 如果有機會辦到有關汽車活動，你地會有興趣出席嗎?

ma1646

支持。支持，。。

ykluk

十卜十卜!!!
不過好驚咁玩法食樹皮不突止, 老闆發現仲可能會問吊...
其實都會喺架車聽好多歌, 之但係感覺上汽車玩音響好似好貴, 有無啲入門平玩方法呢?

pinkspider

之前裝咗過萬汽車音響, 而家上76 又開始家庭音響, 咁落去有排食樹皮

googleli

其實係咪七人車先至裝到影音系統?

corolladv

本人有車, 支持汽車活動   

wil-wil

好似法例上司機視野範圍內唔裝得影音系統。昨日除試我個朋友部七人車外，仲試部古董四門 Benz!

其實係咪七人車先至裝到影音系統?
googleli 發表於 2011-8-2 11:04

kayin008

點都要支持下...

wil-wil

揸左車咁多年都係怕太用心去玩，洗既費用唔少，所以我都贊同平平地玩下入門野算! 放心，我唔會一野導你升先

十卜十卜!!!
不過好驚咁玩法食樹皮不突止, 老闆發現仲可能會問吊...
其實都會喺架車聽 ...
ykluk 發表於 2011-8-2 00:00

ykluk

揸左車咁多年都係怕太用心去玩，洗既費用唔少，所以我都贊同平平地玩下入門野算! 放心，我唔會一野導你升先 ...
wil-wil 發表於 2011-8-2 12:43

大家咁難得都係同宗又同行, 我知wil兄你唔會咁對我既...呵呵...