發燒碟極品 HQCD 動態．平衡．細緻

leonspacey

http://hk.apple.nextmedia.com/te ... amp;art_id=15473595

所謂鑑聽級音樂享受，除咗對硬件有一定要求，軟件亦同樣重要！多年來，發燒友視 SACD為樂曲寶典，然而近期新制式不斷興起，早已經被取代。好似由日本人親自監督兼負責生產嘅 HQCD，就係現時音樂界嘅最高品質。今次，結合賣價達 22萬港元嘅 KEF Blade，同台「演奏」，品嚐演唱會樂曲，恍如現場聽 Live。

高級鑑聽房體驗

身處五百幾呎嘅 KEF高級鑑聽房，除感受到地方寬敞，仲有呢套價值 22萬港元嘅 Concept Blade喇叭。雖未細聽，但佢獨特嘅 1.6米高刀形音箱，設計夠晒另類，睇見個 Look，話唔定音樂發燒友已經開始中毒。
Blade的最大特色，係採用單點全頻技術，意思係能夠將所有聲源集中一點，令你唔輕易察覺到單元之間嘅分頻運作；而且，佢喺音箱左右兩邊，仲分別內置四個 9吋低音單元，例如當處理爆炸性音源嗰陣，可有效減低低頻產生嘅強烈震動，更接近原音效果。

HQCD

HQCD分三種：最高品質為日本監控兼生產嘅 HQCD，不過成本最貴，售價約$180；第二類 HQCD會多個「 LPCD M2」標籤，香港監控，由日本負責壓碟，售價約$160；最便宜係由內地監控和壓製嘅 HQCD，約售$100。

AQCD

由內地生產，由於成本低，售價與普通 CD沒分別。碟底採用紫銀合金材料，除咗讀得比較準，密度也較一般 CD為高。音色表現上，特點係純和寧靜，最適合聽 Jazz或中樂。

LPCD M2

由本地發燒錄音師易有伍或 Kent Poon製作，為保持質素，每次只壓製 1,000張，成本較高，約售$170。音色表現方面， LPCD M2特點係清爽，演繹古典以及人聲最好，也適合製作爆炸性音樂。

日本壓製 HQCD最靚

發燒碟評人 David Lee，今次介紹幾種現時最流行嘅 CD制式，當中以日本製作嘅 HQCD（亦即 Hi Quality CD）為發燒友至愛。「原因係全程由日本錄音大師親自監督，製作非常嚴格。而且經母帶製成嘅每一個模具，每次只會壓製 1,000張，確保唔會因複製數量太多，而導致音色出現任何耗損。」另外，由日本製作嘅 HQCD，當地仲提供三種不同風格嘅 Sample俾唱片公司選擇，勁專業。

David再解釋，由日本製作嘅 HQCD，無論動態、平衡度，甚至細緻度方面，比起一般 CD都優勝好多。就以試聽蘇永康隻《 SO I SING 08 LIVE》為例，普通 CD聽落去就好似平面咁，但播放 HQCD的話就變成一個立體，現場感非常逼真。

國產 AQCD適合聽 Jazz

既然 HQCD屬於「量產型」，想必有炒賣情況。「印象最深係趙學而嗰隻《聽聽》，由於佢係全亞洲第一隻日本壓製嘅 HQCD，當時曾經由大概$180炒至$800，足足炒高達四倍多！」 David Lee話，除咗音色最靚係佢，發燒友仲可選擇由香港人自己監製，印有「 LPCD M2」標籤嘅 HQCD，由於成本較低，所以呢類碟價錢約莫平一成。

近年，國內亦有份參與壓製高品質嘅音樂 CD。例如國產 HQCD，其特點係成本低，售價便宜（約日製 HQCD的六折），不過壓製數量沒有限制，變相質素其實無乜保證。另外，內地仲推出咗 AQCD（ Analog Quality CD）制式，售價同一般 CD幾乎無分別，但由於碟底用紫銀合金材料，所以密度好高，雜音相對較少，目標是重現黑膠唱片的音質。 David Lee話， AQCD較適合聽純音樂或偏向寧靜嘅音樂，例如 Jazz或者中樂之類都唔錯。

hryu

Thanks for sharing. HQCD

edlsang

Thanks for sharing. HQCD

35ti

How about AMCD vs HQCD ?

donw

Very good!
- 發送自我的 iPhone 大板凳應用

KING

Good report!

kclam1234

Good report!X2

PMC77929

始終都沒有大突破的技術,係時候改革啦!

faihim

好文~~~~~

leonspacey

http://hk.apple.nextmedia.com/te ... amp;art_id=15485873

18800元玻璃 CD現視聽展

【本報訊】新一屆高級視聽展本周五起一連三日在灣仔會議展覽中心舉行，除展出總值逾億元的音響器材外，今屆焦點是首次展出的全球最貴雷射唱片、售價逾萬元的玻璃 CD，並在會場首播發燒天碟、已故名伶梁醒波主唱的玻璃 CD《審死官》。本報率先試聽，高度傳真的現場感猶如梁醒波「翻生」即場獻唱。

在港發行玻璃 CD的風行唱片公司總經理林錫堅，在位於荃灣辦公室小心翼翼將價值 1,8800元的發燒天碟《審死官》，放在 CD唱盤。當唱盤緩緩轉動，播放第一首曲目「寫狀」，已故名伶梁醒波雄渾透徹的聲音，馬上震懾全場，寬闊的音場衝破百多呎的試音室，變作大舞台，數十人的樂隊在台上各司其職，「翻生」的梁醒波站在台上獻唱。

林錫堅笑說，玻璃 CD的效果就是令人聽來現場一樣。玻璃 CD已有 30年歷史，最初用作專業調校雷射唱頭之用，但 3年前由日本唱片製造商 Memory-Tech株式會社將其「平民化」，將一些經典的管弦樂、交響樂等，製成玻璃 CD發售，價錢每張 2萬元，「玻璃 CD每日只可以做到 15張，用上光學玻璃，鍍上純金反射膜，大大增加訊號嘅精準度。」

林錫堅說，玻璃 CD技術漸趨成熟，產量增加至每日 200張，售價回落萬多元，適逢公司今年取得 Memory-Tech本港代理，決定在今屆高級視聽展「大晒冷」，展示 33張玻璃 CD，大部份半價發售，當中有三張更屬最新本地發行，包括梁醒波的《審死官》、泰迪羅賓的《點指泰迪羅賓》及中國第一吹的郭雅志《江河水》，「周六（ 6日）我哋會用一套價值三百幾萬嘅音響器材在場內播放。」

萬多元的玻璃 CD只有少數人消費得起，風行唱片自行研製的 AQ發燒 CD，價錢只需百多元，採用紫色的銀合金物料，能準確重現歌聲。
主辦單位《音響技術》發言人指出，今屆視廳展還展示總值逾一億元的音響器材，包括價值 280萬元的美國 Rockport Technologies揚聲器， 43萬元的意大利 SIM2 3D DLP投影機等，供入場人士免費任睇任試。
第九屆高級視聽展

日期： 8月 5日（ 11am-8pm）、 6日（ 10am-8pm）至 7日（ 10am-6pm）
地點：灣仔會展 S2、 S3及展覽廳
內容：設 22間發燒房及音響器材等 10展區
展品： 280萬元的美國 Rockport Technologies揚聲器、 43萬元的意大利 SIM 2 3D DLP投影機、每隻逾萬元的玻璃 CD等
門票： 60元
網址：http://www.audiotechnique.com