古靈精怪調聲法2...都係後果自負.....(^_^)

ilavbnm

今次有補充篇&私人篇
補充篇~膽罩(之前話搵到會補返o既)
私人篇~之前果d係當年已經廣為流傳o既方法，今次要講d比較小眾&只係同輩間流傳o既方法

1.補充篇~膽罩
可能大家聽到膽罩喱個名唔知咩o黎，但有可能見到圖後會~啊!原來係講喱d
膽罩用法好簡單~套上隻膽度就ok
不過就有人話要落地先有用
我就落唔落地都試過，結果.....我對唔只係"木耳"直頭係"石耳".........


2.私人篇
a.寶貼~無錯又係佢...
CD之後到DVD(當時未有BD)，用法相同，有人話聲畫都好左.......


b.水喉膠布
將水喉膠布好似纏水喉一樣纏住個RCA插
流傳話:喱種做法只係for RCA，XLR係不適用o既
不過要纏幾闊幾厚先最好聲，都係果句....唔好問我..........


c.神布.............神筆之後又有神布
個樣只係一塊比普通眼鏡布大d的眼鏡布
有人話用喱塊大d的眼鏡布抹過o既CD會好聲d...........

d.紙筒 / 飲管
終於有d正常d兼一定有效o既野出現啦
用法十分簡單，首先搵一張質地硬少少o既紙(例如:雜誌封面)
將佢捲成同喇叭低音反射孔差唔多大小(最好係插左入低音反射孔先調大小)
因為太大入唔到，太細又插唔實
利用紙筒長短調節低音量，飲管用法相同(飲管係一扎唔係一支)
中意o既.......兩樣一齊用都得..................



最後想講吓一個又係關於CD  o既經典終極調聲法:唔同人摸CD唔同聲
喱樣野唔係我講，係某CD出版商講o既，講到喱度...應該好多C兄都知我講咩啦
某號稱專出發燒錄音CD的出版商
o係一次示範中，佢地o既工作人員講:佢地出o既碟唔同人摸過會唔同聲(即係唔好聲唔關碟事)
仲即場搵幾個工作人員示範...............問你死未


音響圈真係好多古靈精怪野，甚至有d調聲法已經係去到"神蹟級"
我亦見過有人o係部SP11上玩厠紙調聲

不過玩CD方法真係算最多......

總之音響圈真係"信則有‧不信則無"...信...後果自負....................

moliu

膽罩對愈舊的nos管，效果愈大！

g25

今次有補充篇&私人篇
補充篇~膽罩(之前話搵到會補返o既)
私人篇~之前果d係當年已經廣為流傳o既方法，今次要 ...
ilavbnm 發表於 2011-7-27 16:13

    thank! ching 好詳盡!!
又学到嘢嘞!!

4pk

膽罩我對木耳無返應d.紙筒 系真既,買貴啦叭會送埋比你

PP-HK

飲管呢家野成廿幾年前已有玩, 神布都玩過。較為現代既有水磨砂紙、筆筒、磁環, hiend既神木、聖杯、牛肉粒呢。

ilavbnm

回復 4# 4pk
其實好多調聲方法最初都係來自廠商意念，坊間跟住自行DIY.......

ilavbnm

飲管呢家野成廿幾年前已有玩, 神布都玩過。較為現代既有水磨砂紙、筆筒、磁環, hiend既神木、聖杯、牛肉粒 ...
PP-HK 發表於 2011-7-29 09:20

我講o既調聲方法的確好多係N年前玩法
主要係我想講一d以前玩音響o既古怪方法比大家聽吓
好似神筆&神布咁...因為而家已經無人玩...咁咪攞o黎講o羅
其實以前仲有神水...不過喱樣就~應該而家仲有發售...所以無講
喱d調聲方法，大家咪當要o黎聽吓‧講吓‧笑吓o羅

PS.
寶貼我試過係有用o既，不過我就覺得唔一定係改善
只能講:d聲係有d唔同左，至於係好定壞，有興趣o既朋友可以試吓
反正唔啱聽撕返落o黎就得，不過...如果長期貼住粒寶貼對CD有無影就唔知啦
最後都係果句.............後果自負...............................

4pk

回復 7# ilavbnm


    神水其實只系幫助傳導，用水咪得囉 太多音響老千 最搞笑糸放塊木向眼鏡

AV_Duck

同部AMP 打小人, D聲會唔會好左?