傳聞: BAYONETTA 2

@肥狗仔@

雖然和之前的《Biohazard 6》一樣是傳聞，不過在9月的TGS 2011來臨之前我們仍然可以有所期待。早兩日SEGAbits論壇上，網友STORM!發放了一系列關於本年TGS 2011上SEGA會公佈的遊戲作品爆料。當中除透露什麼初音3DS新作﹑Shining新作之外，更表示PlatinumGames的《BAYONETTA 2》正在開發中，並會在TGS 2011上正式發表。值得注意的是除了《BAYONETTA 2》之外，當日SEGA還將公佈一部BAYONETTA的CG電影。

雖然《BAYONETTA》是推出過內容相對豐富的廉價版。但受到PS3版質量﹑X360的平價隨選遊戲及FZ3二合一套裝的影響，該廉價版在本港未曾流行過。不過若果《VANQUISH》要推出同規格的廉價版的話，那當中的特典影像應該為明年的《MAX ANARCHY》了。(話說本人更期待推出PC/3D版本)

有關《BAYONETTA 2》的傳聞早在《VANQUISH》未推出前已經傳出。當時《BAYONETTA》的監督神谷英樹(代表作: 《Devil May Cry》﹑《Viewtiful Joe》﹑《大神》﹑《BAYONETTA》)通過博客及訪談數次暗示《BAYONETTA 2》的存在，但可惜到目前為止遊戲仍然未曾公佈。而由於PlatinumGames的亂鬥新作《MAX ANARCHY》要延遲到明年才會推出，所以好像「公佈新作」這樣的舉動今年也是有可能的。當然，鑑於上年《BAYONETTA》曾經推出了一個雙封面+特典影像DVD的白金/The Best廉價版遊戲，故也不排除今年PlatinumGames會推出相同規格的《VANQUISH》廉價版遊戲。

有SEGA「撐腰」，這些前C記第四開發部及Clover Studio製作人的待遇要比當年CAPCOM好多了。

作為日產遊戲的新力軍，PlatinumGames旗下的《MAD WORLD》﹑《BAYONETTA》及《VANQUISH》這些代表作都取得了不錯的成績(對於SEGA而言是不錯)。近年社長三並達也及一度成為公司「代言人」的製作人稻葉敦志(代表作: 《逆轉裁判》﹑《鐵騎》﹑《MAD WORLD》)就表示過PlatinumGames正在開發多款新作品。而早前KONAMI的《Metal Gear Solid: Rising》亦傳出外包給PlatinumGames開發的傳聞(雖然fans已經擔心遊戲幾時出多)。先不論今次有關《BAYONETTA 2》的傳聞的真確性，那怕今次PlatinumGames只在TGS上公佈原創新作，對玩家來說都是一大喜訊。

nicebeebee

BAYONETTA 2我好期待！

marcolau

神谷英樹會出續集....唔似佢風格播.....
以前講到鬼咁口響唔會出續集game....佢真係出我就真係睇小佢.....。

nicebeebee

回復 3# marcolau

好可能話係交比手下開發，自己只係出下意見同收錢

marcolau

回復  marcolau

好可能話係交比手下開發，自己只係出下意見同收錢
nicebeebee 發表於 2011-7-25 23:49

佢成日都話，完美遊戲就係冇遺留放晒係一隻GAME內，有新野就出另一隻GAME。
哩點係我欣賞佢嘅地方......。
以前CAPCOM就話無奈要比人開發，臨走都仲話唔滿意CAPCOM將佢D GAME出續集.....
而加自己公司自己話事，講到尾都係$$$。

不過BAYONETTA本身係一個好GAME，只係佢本人背道而馳令人失望。

@肥狗仔@

佢成日都話，完美遊戲就係冇遺留放晒係一隻GAME內，有新野就出另一隻GAME。
哩點係我欣賞佢嘅地方...... ...
marcolau 發表於 2011-7-26 00:21

其實我覺得冇所謂嘅。既然1代已經有若干成績，作為製作人出一款續集去回應fans亦都唔係錯事。反正隻game出左之後佢仲係咁寫blog什麼，既然對BAYONETTA哩隻game哩個角色仲咁有熱情，咁出得續作應該會有更多驚喜。不過神谷英樹哩個人係做過出色嘅遊戲，但我感覺就係佢嘅吹水功力唔比歐美果d低。你話時移世易又好，點都好，佢本身就冇渣正做續作嘅經歷，如果當年DMC比佢做續作的話，可能今時今日又唔係咁講法。係clover studio佢都仲可以擺款，公司係人地嘅，而且三上比佢萬二分信心。《大神》之後佢都有過好多續集嘅構思，咁當然隻《大神》玩殘左間公司，佢都冇哩個機會。當年DMC叫做無奈，《大神》係自己做成的，佢自己都應該知咩事。家下自己同人合伙開間新公司，公司係自己嘅，單純為完美就過份投入同拒絕續集對公司都未必係好事，而且投資同發行都係SEGA。$$$$對雙方合作都重要。不過PlatinumGames嘅理念唔係以系列作為重點，加上哩間算係日本近年難得嘅遊戲公司，我都唔希望神谷咁快搞咩續集，應該有其他新嘗試。當然我個人唔好魔女，一黎唔鍾意果種DMC式扮野打法，二黎雖然個系統成熟，但其他什麼流程﹑關卡都係亂做一通，去到後期感覺有d拖。早幾個月都賣左了。

marcolau

其實我覺得冇所謂嘅。既然1代已經有若干成績，作為製作人出一款續集去回應fans亦都唔係錯事。反正隻game ...
@肥狗仔@ 發表於 2011-7-26 01:34

我都冇所謂，只係哩個人冇值得欣賞嘅地方而已。
實在我對佢本人都冇咩好感，事關佢同爛面成日冇野搵野噪，好細路仔，
再者dmc果d斬豆腐對我d中意龍忍嘅硬派動作嘅人真係冇咩特別。

好似飯野賢治，爛面佬果d一擇千金，先值得欣賞。

@肥狗仔@

回復  marcolau

好可能話係交比手下開發，自己只係出下意見同收錢
nicebeebee 發表於 2011-7-25 23:49

    其實PlatinumGames現時嘅遊戲監督真係唔多，假如真係有《BAYONETTA 2》的話，就算佢肯，要單純交比手下開發都係比較困難的。

@肥狗仔@

我都冇所謂，只係哩個人冇值得欣賞嘅地方而已。
實在我對佢本人都冇咩好感，事關佢同爛面成日冇野搵野噪， ...
marcolau 發表於 2011-7-26 06:49

    近年喜歡歐美嘅製作人愈黎愈多。日本就多左好多只係識吹水，遊戲又唔係好玩嘅製作人。神谷唔算其中之一，佢隻《大神》我好鍾意，但自從BAYO公佈之後唔知點解佢多左好多野講。神谷同板垣嘈我記得都係佢話咩3D ACT冇進化論引起的。雖然佢都認誇左d，不過BAYO到頭來只係隻女版DMC，極其量加左d流行元素同惡搞係入面。我爆左兩次之後都唔覺有咩咁好玩。板坦就唔講啦，咩BIO﹑DMC﹑鐵拳都插過。佢做嘅遊戲同自己一樣都係直接，唔轉灣抺角，質素亦高。飯野我就唔清楚了，我未玩過D之食桌。雖然我都係覺得遊戲好玩更重要，不過哩家要數返我欣賞嘅製作人其實都有幾個: 三上真司﹑板垣伴信﹑上田文人﹑Vince Zampella﹑Ken Levine。

kuito

BAYONETTA 正Game呀，BAYONETTA 2十分期待