<聊齋之倩女幽魂> : 港版 Blu-ray "(實物圖)"

junghu · 發表於 2011-7-23 21:00

戲院睇咗, 最唔like明明係鬼變咗做妖.....

上頭D政策係只可以講"妖"唔可以講"鬼"
真係不知所謂.....................

bo9bo99 · 發表於 2011-7-24 00:18

超渣黑盒,同法日冇得比
小龍發表於 2011-7-22 22:21

原來係甘.....

Maldini · 發表於 2011-7-24 00:48

呢套都要入手................劉亦菲超掂 !

hoho1986 · 發表於 2011-7-24 03:34

我都為左劉亦菲而買。
一開始硬播廣告，我係唔係買錯大陸版。
不透明盒我係沒所謂，但係質素就有所謂，大拿拿19X買wo。

datacoma · 發表於 2011-7-24 04:11

本帖最後由 datacoma 於 2011-7-24 20:58 編輯

終於睇左。基本上，「新倩」我睇左15鐘後經已聞到陣奶除，不出所料一個鐘未到；我就要"花時科挖"黎睇....。
原因係套戲D對白都幾垃圾低能，真係好難成套去支持。取其敗筆又姑且求其執幾樣~

1- 觀眾定位問題
如果係拍比D未睇過舊版既觀眾睇，咁人物既出處就實在有欠清晰。
例如小倩點解死唔去變成妖，舊版係好清楚交待，咁如果冇睇過舊版，只睇新版又叫人點代入及同情小倩呢隻女妖?
咁如果係拍比D經已睇過舊版既觀眾睇，就更加唔洗多講~
狗尾續貂，新不如舊。叫睇過舊版既唔比較，似乎冇乜可能，因為就係「新倩」拍得屎，先更加令人勾起「舊倩」~ 係此情只待成追憶咁美好。

2- 選角問題
整件'磨碌'黎頂我地哥哥個位.....唔銀係化唔好玩啦！
須知道小倩開初唔郁寧采臣，單憑寧采臣只係坐懷不亂...咁既理由邊度夠，咁重爭D乜？咪就係要好似哥哥咁靚仔先得囉！
無論3歲定80，囡代都梗係吼靚仔架啦，咁唔貪戀女色再加埋咁Q靚仔，係咪夠說服力好多，唔係舊版洗鬼要哥哥黎演咩！林雪做都得啦！
再者；你既然叫得劉亦菲做小倩，又唔明點解唔揾黃曉明做寧采臣？！再續下「神蕉俠侶」情，我諗從邊個角度睇，大家都會睇得順眼D開心D卦。

3- 劇本問題
我覺得「新倩」同「新蜀山」都係犯埋同一個錯誤~ 劇本之空洞，係即使CG特技做得比舊版勁十倍都掩蓋唔到。
呢幾年見好多金玉其外敗絮其中既戲，真係要講番句~ 成也CG敗也CG....。
也務必請各大影商製片好好咁反省下...擺多D$$做好個劇本先啦唔該。