回復 17# circleli
今日終於同老細入左場, 睇左3D版. 本來想睇英文版, 不過見MCL網頁要去機場先有, 所以都係粵語版算喇....
可能之前期望實在太大喇 , 今次入場有少少失望, 係少少姐, 套戲其實無問題, 係好好睇既, 睇完第一集唔夠o候想再添食既今次都交足貨俾我, 例如話蓋世五俠既功夫場面, 阿寶既身世等等. 咁失望既係咩呢? 就係覺得上次故事多姿多彩d, 上次講阿寶"無啦啦"做左龍戰士, 跟住由唔識功夫學到識, 另一邊箱大狼又走左出黎, 胡貴長老又升仙....... 最後阿寶係失望之際從養父口中得到"There are no secert ingredient..."既真理, 再融入功夫從拾自信, 打敗大狼, 講下呢邊講下果邊, 係有好多枝節既, 中間有笑料有動作又有靚景, 唔會覺得悶. 今次故仔就直左d, (怕有師兄未睇唔駛講咁明啦) 一開始就已經係一個危機(十零廿分鐘), 跟住己經講成班師兄弟一齊去化解(咪既係打囉), 一路做到尾就打到尾, 一條直路完全無彎轉, 更好笑既笑話都好, 在劇情上其實都有d悶. 而且"前後呼應"位少之又少, 已我記得既只係"心平氣和...", 可能第日返睇BD果陣會搵到多d啦 . 甚至我預期既同第一集呼應位好似都唔見..... 可能我表達力差, 我所講既"前後呼應"位, 例如Terminator咁多集都成日出現既對白: I'll be back; Come with me if you want to live; 大隻佬洲長係都要載黑超, 係都要座harry.... 果d, 用黎做笑料又得, 加深印像又得, 總之睇起上黎會投入d. 不過我地睇開英文版, 會唔會英文對白先有就唔知喇, 希望有啦......  同埋上一集師父戲份好高, 今集剼變閒角!  另外既三位中原武林三大高手鱷魚先生同兩隻大水牛,簡直係路人甲乙丙, 之前仲意為佢地好好抽..... 超! 
另外阿寶既身世之迷, 其實我覺得係可以再玩得刁轉d. 依家咁樣知法, 都係直左d囉... 不過今集既功夫動作姿勢係明顯好過上集既!  起碼上一集大狼所打既, 我覺得係"西洋拳".... 同埋上一集單對單場面多d, 今集就大場面多喇, 所以畫面設計上會比較覆雜, 要俾多d眼力至得.
畫面方面, 3D效果都OK, 我就覺得肯定無亞凡達咁生硬先. 但場景, 其實應該講"選景"方面, 小弟愚見好似仲差過第一集. 今集無翡翠宮既華麗, 又無壯麗既山水風景. 可能上集鄉村d, 今集比較城市d啦, 不過劇情都係咁講既. 水墨畫手法, 第一集印像最深刻既係一開始係阿寶既夢境, 感覺好新鮮, 場面又大. 不過今集新鮮感無左喇..... 聲就唔駛講啦, 大把試機位. 而第一場打鬥既金屬撞擊聲同第一集一樣係我至愛, 今集大把有得聽, 有排"吉耳", 正呀! 
最尾就係, 大家估下有無第3集呢? 最尾果幕咁樣.... 有就好喇!  仲有仲有, 就係胡貴長老雖然升左仙, 但第二集仲有份嫁, 就係Dreamwork logo果幕個釣魚郎呀, 記住"探"下佢老人家喇.....  |
[複製鏈接]
..玩AV最緊要識睇開d, d聲唔o岩聽, 苛包又唔生性, 唯有學識用耳仔就架生啦... >_<
發表於 2011-7-22 22:04
佢話睇就睇呀!? 種慣晒...... 
我話唔睇就唔睇..... 2D版, 老老....老細, 去睇3D版啦..... 
