仲有一個月就英超開鑼, 大家覺得今年邊隊會奪冠?

ykluk

仲有一個月就英超又開鑼囉, 大家覺得今年邊隊最有冠軍相呢?
小弟本身係曼聯迷, 不過客觀咁睇, 其實車仔, 阿仙奴, 利記, 曼城同熱刺都好有機會.
但從季前轉會積極程度睇: 阿仙奴走既人多過買, 成不了氣候; 利物浦呢幾年都係海鮮波, 穩定性低好難o係聯賽維持到; 車路士普遍隊員年紀偏大, 除非季前有突破性多位轉會事件, 否則好難支持到季尾; 曼城雖然有無限金錢, 但係球隊團結性低係弱點; 熱刺其實係最有能力同曼聯死過, 如果保留到核心球員; 曼聯除咗上年奪冠班底, 仲引入多位有質素及後生球員, 令板凳深度有改善, 可以作多線發展, 如果真係買埋史奈達, 應該o係歐聯都可以同巴塞再上演夢幻決賽!!

所以我都係睇好我深愛既曼聯!!! 唔知大家點睇? 入嚟傾吓!!

p.s. 唔知點解會彈多個"曼聯"喺最尾嗰項, delete唔到, 大家唔好理.

johnlimyc

我的愛隊.......曼聯   

jt24

今日睇過佢嘅熱身賽，楊格應該好快可以融入球隊，如果再加埋史尼達，我都係覺得紅魔係可以衛冕成功嘅！當然呢個都係我呢個紅魔迷嘅心願啦！

Fabregas

點解選擇1同13都係曼聯㗎？

kalok6

唔建議開呢d post........

beebee912

你問我梗係利記啦！有king kenny既利記會比到大家驚喜，你地仲記唔記得布力般嗰屆點樣攞聯賽冠軍，當年就係king kenny揸旗勒，再遠啲80年代拍得住宜家巴塞既利記，横掃本土聯賽盃賽歐冠，揸旗既都係佢，當年利記既pass and move絕對拍得住宜家既巴塞。而曼聯而家又想打返七小福嗰套，工兵中場加翼再加個射得既中場，好易比人睇死，如果佢可以買到熱刺既摩力，變化會比較大。至於熱刺就可以不理，星散加埋傷兵多，而且歐霸時間衰，喺星期四，變相少一日休息，絕對唔成氣候。

spadeace

呢個好快會變左各隊粉絲晒冷帖

raymond430

無計,就算機會偏低,都要投阿仙奴一票

ykluk

點解選擇1同13都係曼聯㗎？
Fabregas 發表於 2011-7-14 19:36

我都唔知點解, 得15個選項, 又唔可以入晒20隊, 入咗呢幾隊之後就無啦啦彈多個13既曼聯出嚟...奇怪!!

ykluk

唔建議開呢d post........
kalok6 發表於 2011-7-14 20:25

點解呢? kalok兄你驚呢個post會變成罵戰?
我覺得我地post76既兄弟比較理性, 所以先開呢個post討論吓, 雖然我係紅魔迷, 不過對其他球隊認識唔算好深, 了解多啲理性分析, 咁睇波都開心啲!!
如果真係變成罵戰, 我諗我會考慮刪除個post啦.