把幾火 , 不吐不快 !!!

simon

昨夜晌 mk 買左兩部 NEC cortex A9 雙核平板 7" 電容屏 , 姨仔的剩係睇下戲冇乜投訴 , 我的比多幾十加左 chainfire 3D ,
check 機時發覺原廠保護貼有好多泡泡 , 又好多手指模 , 佢地就話部機廠要驗機所以先咁 ,
我諗住買山寨機冇壞就算數啦 , (當時我太太已經不停話要換機) , 我見其他0野冇乜問題 ,部機都好順0下 ,
又唔想同該舖嘈 , 最彼仲買多幾舊水配件添。跟住收機走人 ...
回家後囡囡玩了一陣就話個鏡頭有問題 , 用唔到 。問姨仔的又冇事 , 佢仲話開鏡頭仲見到自己 ...
今日打左好耐電話該舖先有人聽 , 佢話鏡頭有問題就攞番去 check ...
去到舖頭佢地立即就話因個 chainfire 3D 影響到 , 過一星期後有個新 fw 個鏡頭用得番 ,
我就話之前我囡囡話要 del 個 market 個 account , 所以左部機 set 部機去番原廠設定 ,
最初事頭婆話幫我 set 番部機 ,但要等 45 分鐘 , 我正在考慮時 , 都未諗到點回應佢先0岩 ,
佢忽然一手攞走我部機 , 跟住好不滿咁講 ,你地都係要換機0者 !!!!! 跟住比另一部機比我 。
今次部機面板原廠保護貼好完整 , 但底部又冇左保護貼 , 我跟隨試玩一陣 , 見冇乜問題咁諗住走啦 ,
(因之前個事頭婆有點寸咁話左幾次 , 要我行埋一跟試 , 我同太太都覺好唔開心 ,
唔通買山寨機 d 錢就唔係錢 ???枉我地仲買多近五百元其他0野 ) 最後再試埋個 3d game ,
點知部機有點 LAG , 跟住 hang 埋機 , (之前的一部很順 ),
我硬住頭皮咁問佢點做先0岩 , 佢又好寸咁講部機冇問題0既 , 係你地硬係"仍"住有問題0者 ,
當佢 set 一輪之後知道衰0左 , 就 pass 比個哥仔跟我地 ,個哥仔又 set 一輪就比番我 , 我一試都係咁 ,
又LAG , 又冇反應 , 佢好客氣咁之吾以對咁講話一大輪0野應酬我地 ... 我最後好灰心 ,
好唔開心咁講你比番部舊機 set 番晒比我就算啦 , 最後 , 又等0左一個鐘先有機攞 ... T_T ~
請問各位 ching , 呢部機個鏡頭是否會咁呢 ?  回家後 dl 個 angry birds rio dl 完成到 , 又安極都話安裝失敗 ,
但之前的又玩到喎 , 請問係乜野問題呢 ??
一千四百一十都係錢0丫 , 唔通要買幾千元的  ipad , 三星 d 機先有好招呼嗎 ???

edlsang

回復 1# simon


    ching 吾掂要整到掂！ 據理力争！

kinfaat

幾千又好，幾百又好，開得鋪賣就要負責架啦，ching一於換到好為止!


- 發送自我的 iPhone 大板凳應用

KING

公開鋪頭名同地址，等大家唔會再"奶"野啦!

阿定

平野無好，好野無平，有人喜歡上樓買野貪佢平，但應該預左無service，有人要有service，比多d錢去大鋪買，呢d鋪頭，你就算買iPad，買Samsung Galaxy都唔會有好service，電子野，有壞鋪頭自己好難退貨，比著我，一係淘寶買，叫做有保證d，話晒人地唔會比部壞貨你，等你亂落評價，佢地有壞同廠換，一日都唔駛，唔會比壞貨人，一係自己上深圳買，教你用三四個鐘都笑笑口，買得開心又放心

ADA

...一係自己上深圳買，教你用三四個鐘都笑笑口，買得開心又放心...

中point!
深圳D service真係好到你唔信!
重點是, 你玩一大輪如果唔買, 佢會講 : 下次彌開再睇過啦, 下次D新貨希望啱你啦. <---係笑住講的.
以前香港D服務好好, 依家問多句都俾店員小...好似你賣俾佢咁.

jt24

依家喺香港買嘢真係好受氣......唔怪之得淘寶越做越掂啦！

原明

晌旺電買？

4pk

回復 6# ADA


    賓至如歸 .....都系1 DD有昨

elmo

我諗都係一DD鋪頭。之前想買部網絡CCTV錄影機，係黃金一間電腦鋪，d sales愛理不理咁，問多幾句仲轉頭做其他野，好似唔志在你會否幫襯 (可能都係千零蚊貨仔)，咁既服務態度，結果梗係買唔落手。

後來去鴨記，一間非常好服務，幾乎想幫襯，但價錢偏貴；再行另一間，價錢平D，但望多部機兩眼，想睇清楚下機背D介面，個阿伯(老細?)就走埋來話：唔好掂呀....，結果亦係買唔落手

後來去到一間，價錢合理，服務好，問多d野都無嫌我煩，仲可以攞部機任試，試埋不同鏡頭的效果，講埋點樣駁線，又教埋點樣set上網...結果開開心心磅水走人

其實如果D鋪頭Sales 唔好成日諗住d客來運吉(未打先輸)，只要價錢合理，好似上面最後一間咁好招呼，點會無人幫襯？