本帖最後由 joelkw 於 2011-7-11 12:18 編輯
唔好意思~ 因為呢兩日要陪老細同仔女, 所以咁遲先出report~~
因為amp內重係之前傑士8"o既setting, 換左呢隻, 一開波已經頂唔住, 只要佢一介入, 中前置係完全唔見左, 依家speaker level由之前+6,減到-2, 十仔背面vol由最初一半減到1/4, 但動態依然好勁, 當大爆炸之後, 我同老細仍然試過有耳鳴情況出現! 睇黎呢隻野馬要玩好佢都唔係咁易~~
睇戲方面試左The Incredible Hulk同Battle: Los Angeles. 一如所料, 衝擊力強勁非常, 所有門都"格格"聲響(因我習慣睇戲會關上所有門, 之前冇呢個情況, 今晚要去日x城買3m膠條封門邊), 有D意外o既係,隻十仔雖然大舊, 但細緻度都唔差, hulk變身後果d微細而沈重o既呼吸聲, 清楚而充滿壓迫感! 而反應收放跟到足, Battle: Los Angeles入面d大炮, 飛機外星人快速o既轟炸場面, 話爆就爆, 話收就收, 勁~ 唔知關唔關隻十仔太新未run in事, 收得比較緊同冇咩尾音, 變左有時收得太快太實太乾淨, 感覺有點怪怪~~
聽歌就用2.1試左Depeche Mode, 當播People are People, Everything Counts, Personal Jesus, 年輕時候落canton, dd o既感覺返哂黎, 每一下bass入口入肺, 連胸骨都震埋, 簡直同當年落disco專登企係隻大喇叭隔離o既感覺一樣, 終於明白到狐滴ching話果重連人帶梳化被催毀o既感覺, 充滿毀滅性!! 可能年紀大啦, 唔同以前年輕, 真係聽唔倒太耐, 聽左一個鐘好似俾人打左一身, 唔認老都唔得啦~~
對呢隻十仔o既評價係, cp極高, 貨交足有突~~ 我發覺佢性格有d似hulk, 完全係一隻暴力狂, 但速度唔弱, 冇花巧, 唔需要玩招式套路, 因為佢一出拳, 你擋倒都要暈, 中正就已經ko左, 所以反而要研究下點樣控制住佢唔好太過火, 我覺得而家對Q700同Q600對住佢變左細佬仔, 要好好攪番惦個balance先得~~
買左呢隻十仔o既ching, 如果冇用開墊材, 就真係要俾d心思攪攪佢, 唔係d諧震就真係勁到接受唔倒!
我依家用緊garmma hd, 暫時都可以抵擋倒佢d震盪~ |
[複製鏈接]
發表於 2011-7-8 23:46
樓主
勁呀師兄!!
