睇完套戲其實好耐, 不過一直都無寫低個感覺, 見到son兄有個post, 咁就順便講一講, 唔鍾意唔好打頭...
個人觀感, 杜琪峰+韋家輝呢個組合往往會令人有驚喜, 係港產片一個好獨特既化學反應. 如果抽個身睇返個故仔(不論係單身, 或者以前既戲), 成件事其實都係比較天馬行空, 而導演既處理係會令件事好完美配合, 同現實係完全2件事. 但係唔知點解, 每套戲郤可以令觀眾好投入, 好相信件事, 我諗當中韋家輝所寫所表達既, 完全係人自心之中既說話, 心神領會, 自不然理所當然! 
問心, 《單身男女》所講既大部分浪漫既情節, 我諗絕大部分女人都好想得到, 但絕大部分男人都做唔到既. 我試過問過好多女性友人(包括老闆), 究竟係會揀古天樂定吳彥祖, 有好多人都會話揀火星人吳彥祖. 其實我睇完套戲既結局之後個心係有啲戚戚然, 火星男的確係完美, 但係人係鍾意缺憾既, 完美既背後只會係落到苦悶, 尤其是香港時下既女性, 當即時得到既係一百分, 只會令佢之後更加想要一百零一分, 一百一十分, 但已經係完美火星男, 仲點樣可以再有驚喜加分呢?
我個人相信, 當實際發生呢件事o係香港女性時, 選擇既應該係古天樂, 正所謂男人不壞, 女人不愛. 況且, 當面對誘惑時, 一個玩過壞過既男人, 點都會比一個完美未壞過既男人嚟得可靠! 
至於選用圓圓做女主角而唔係其他香港名星, 個人觀感除咗係為咗照顧祖國市場外, 其表達咗現今香港社會多新移民既情況, 而另一方面, 一個不熟悉既面孔是會令觀看者更加投入相信, 點解咁perfect既古天樂同吳彥祖都會對其死心塌地. 若然換成張栢芝, 大部份香港人都未必咁易信服個故仔(尤其是會將其個人真實新聞潛意識地加入戲之中).
我相信, 每一套杜琪峰+韋家輝呢個組合既電影必然係加入絕大量計算之中, 但係從計算之中, 往往會有其中既天馬行空, 及隱藏既真性情所在. 《大隻佬》係極具代表而明顯的, 而看完《單身男女》之後, 大家又有否想起身邊的另一半, 在人生的不停行走之中, 為他/她及自己帶來一點點生活既點綴呢?  |
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2011-7-3 22:23
發表於 2011-7-4 00:00
樓主
