請教大家牆鑽窿既技巧

lkljason

同埋有乜野地方要注意，例如水平同窿既大小點樣量度得好，鑽完窿使唔使塞粒膠黎fit粒螺絲位呢？(屋企無乜特別量度水平既工具，都係得d一般野) 因為要整個喇叭架上牆！

曾經用個電鑽就係試過一次鑽窿o係廁所整個架 (普通既階磚)，頂，幾鬼死難鑽呀，出黎效果仲幾唔掂o下！(仲鑽衰左一個添)

Thanks先

radhk

小心鑽到d電線, 喉.

>> 鑽完窿使唔使塞粒膠黎fit粒螺絲位

d螺絲應該已經有埋膠粒. 果d叫爆炸螺絲.

lkljason

但問過一間，個喇叭架包裝裡面無包括爆炸螺絲架，咁咪要自己去五金鋪配？

radhk

原帖由 lkljason 於 2008-9-27 13:05 發表
但問過一間，個喇叭架包裝裡面無包括爆炸螺絲架，咁咪要自己去五金鋪配？

咁去5金鋪一定有得賣. 當然亦要夾你個鑽咀既size.

小瑟

小心D呀, 我係次所試過鑽穿條水喉...果次幾慘呀!!!!

skenstudio

喇叭唔駛用爆炸螺絲掛...後置?

小瑟

其實喇叭上牆都唔洗爆炸咁勁既, 是但搵條長d既都可以架勒~~~

mankoo米高

原帖由 lkljason 於 2008-9-27 10:43 發表
同埋有乜野地方要注意，例如水平同窿既大小點樣量度得好，鑽完窿使唔使塞粒膠黎fit粒螺絲位呢？(屋企無乜特別量度水平既工具，都係得d一般野) 因為要整個喇叭架上牆！

曾經用個電鑽就係試過一次鑽窿o係廁所整個架 (普通既階磚 ...

1)量度水平:世上最準但最平係用幾元買幾呎透明膠水喉,入6-7成水,U字形擺上牆,先決定一點,跟住你會發現
  水平自現會帶你見到U字形對面平衡第二點.
2)鑽窿第一係要用震鑽,鑽完窿後係要先塞粒膠,正確!Smilies018

LAWSON

鑽牆要用石屎鑽,鑽咀都有分鑽木定鑽石屎,用錯左就鑽得好慢架喇
通常最難既係第一野令到個鑽咀唔好走尼走去,
我會用支螺絲批嚮果一點到鑿一個痕上去,得佢表面冇咁滑,
咁個咀就唔會咁易走位.
至於水平,其實斜左小小都問題不大既.
我自己就一定加果D膠塞入去,最好個塞係要用搥仔先入到果隻(唔好太鬆,要用小小力先入到),到上埋粒螺絲入去就會迫實,好穩陣.
如果好易就入到粒膠,上左個喇叭上去,隨時連埋粒膠出返尼.要小心啦

如果鑽鑽下覺得有野頂住,就要停手,可機會係鋼筋同水管

[ 本帖最後由 LAWSON 於 2008-9-29 09:14 編輯 ]

lolopopo

其實鑽牆可以話易學難精，
你首先要買支合式尺吋的鑽咀，
最好帶要安的螺絲去配鑽咀同爆炸膠塞，
我記得就通上掛喇叭就要1.5吋深先夠力，
平水就通上在天花向下計起，因有d地台唔平會視覺喇叭有就低，
如果在大廳後牆，多數係主力牆(如你屋企冇改位)，鋼根比較深，安全計最好用金探測器測一測就最好，
鑽果時我就會先用皺紋膠紙定位(因為冇咁滑)乳膠漆牆就用筆畫位，喇叭掛架會有孔位，
未鑽前先用鑽咀當鑿定位(正如正經所講)，鑿好位後就上回電鑽，就開始鑽窿。
首先楂鑽手勢一隻手揸鑽開關，另外一隻手定住電鑽尾，
先用鑽木的力度做開窿，因為一般牆身外多數係批盪，較軟，不用震鑽。(如果一開始就用震鑽，只會越鑽越大個窿！)
當鑽入小小後，約1/3吋左右就可以轉用震鑽，鑽到一定深度後就ok了。
正如正經講，爆炸膠塞係用搥仔先入到，如果用手放得入就要配過一粒大d先得，
記得鑽隆果時叫老細楂住個吸塵機響鑽咀下面，一路吸，一路鑽，唔使間屋咁污槽XD