今日睇阿LAM演唱會睇到一肚氣

liljon852 · 發表於 2011-6-19 01:34

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 liljon852 於 2011-6-19 01:46 編輯

買$480蚊飛, 點知仲衰過坐山頂位!!
先講座位同舞台既高矮問題, 有乜理由個台同觀眾席前段幾乎係同一高度先得架....大部份時間都會比前面既人頭遮住!!
呢樣都算喇~如果前面果個安安定定坐係度聽歌都叫仲有D時間會睇得到阿LAM, 都未至於咁火滾
最令我火滾既係坐係我前排果2個女人, 本身已經大大份成座山咁, 呢D你生成係咁我都唔能夠怪你
但明知自己已經咁大份, 就唔該你坐定定係度欣賞演唱會啦!! 成場係咁不停閃完去左邊又閃去右邊之餘, 仲幾乎8成時間係舉起你地果2部相機高過頭頂一直係度影相同錄影

大會已經講到明唔比錄影架啦!
你錄一陣影一陣都仲可以話係合理, 但8成時間呀!!! 係8成!!! 如果係戲院我真係以為你地2個係偷拍盜版果D人!
其餘2成之中有1成時間係佢地2個合體係度睇番D相同搞部相機, 十足一度大閘咁擋到正一正, 我女皇睇睇下已經開始炆, 我更唔明佢地入黎係睇演唱會定係拍演唱會.

佢地2個錄都錄得衰過人, 一時左一時右, 叫坐後面果D人點睇呀?! 影還影都比番D公德心, 唔好只顧自己丫!

今次仲要係同女皇拍拖以黎第一次去睇雙方都喜愛既阿LAM CONCERT, 我地2個都期待左成2個月, 諗住卒之等到啦, 點知坐左成晚, 睇到既只係2個女人既背部! 估唔到最後不歡而散!!