又係座地書架喇叭問題...... ?????????????????????????

joelkw

師兄我既諗法咪同你一樣囉, 但我唔識自製, 所以畫張圖仔叫我相熟裝修師父搵人整張台仔托電視.....{: ...
sclendan 發表於 2011-6-20 18:52

好易架o乍, 度好長闊呎吋, 去ssp 福榮街d 木行, 叫佢界埋俾你, 用6分厚木板, 2塊加埋就1吋, 你要幾多吋高就照計界幾多塊, 跟住去大d o既文具舖買木紋牆紙, 返到屋企用沙紙磿滑d 邊位, 用羅絲或者釘上實四隻角,  貼上木紋牆紙裝飾, 四隻角貼上日x城果d 防滑膠墊, 大功告成! 最好界多一兩塊木板, 第時加高或減高度, 話都冇咁易!

simonaceman

好易架o乍, 度好長闊呎吋, 去ssp 福榮街d 木行, 叫佢界埋俾你, 用6分厚木板, 2塊加埋就1吋, 你要幾多吋高 ...
joelkw 發表於 2011-6-20 19:02

呢個方法ok喎, ching

joelkw

呢個方法ok喎, ching
simonaceman 發表於 2011-6-20 20:24

如果想慳皮D, 又咁O岩要換地櫃, 舊地櫃底面同側面兩邊O既板又可以拆出黎, 自己鋸番O岩SIZE, 連木板同牆錢紙都慳番, 又可以廢物利用, 既環保又可以搬少D野落垃圾站~~

chacha7

回復 110# sclendan


既然你慢慢來，可以去試下啦。

sclendan

回復 144# joelkw

嘩! 你估個個好似你咁好技術咩師兄!

sclendan

回復 119# ricoy288


    尋晚度左喇, 就算用成套52前/中都擺得落, 不過正當我開心之際, 度一度個中位, 才發現原來我一直都忽祖左部TV, 仲拉尺都壞埋.   話說我sofa後面已經擋住半個房門口,(最底有相) 所以sofa只可以靠右貼牆擺. 但加上一隻右置RF-52之後, 成組TV櫃就要向左移起碼8寸. (RF-42 size只差0.8", 所以其實差唔多). 咁問題就出現喇. 學之前師兄話齋, 整d圖仔出黎摸疑下, 不過唔識photoshop, 用paintbrush核凸D.

Set A 係現況, 其實擺衛星真係好正......
Set B 係摸疑加左RF52之後, 成組櫃向左移, TV差不多擺正櫃中, 兩隻52夾實.
SetC 係摸疑加左RF52之後, TV跟返sofa座位中間擺法.
相仔上方紫色果條係Sofa中位線, 因為TV櫃背牆係69寸, 櫃60寸, sofa得58"

去片....


















現在跟A咁擺衛星, 最正, 所有野對到正既. 如果跟B擺, sofa右座果個, 睇電視就要側晒頭, 左邊果個就ok, 但外觀上都幾核凸. 如果跟C咁擺, 左邊隻前置就放得太開, 又係核凸 都係個櫃太闊囉...... 以上睇相仲未必感受到, 尋晚用d大盒擺過位, 睇實景肯定核凸多幾倍.....

我只想同師兄分享下, 解決方法其實始終都係要搞個櫃, 無其他計嫁喇! 各位師兄打搞晒喇! 始終套野都係要黎玩, 如果玩到間屋核凸晒太迫夾就真係要諗過喇......   格硬黎唔掂, 我要俾d心機去諗過櫃先.

依家個方向係咁, 如果搞AV架, 就無位擺野. 講真我又無乜器材, 來去都係果兩三件, 所以AV架其實好多地方會用唔著, 因為無蓋無門, 放唔到d乜. 所以我試下睇下有無D差唔多格式但又得60"-8"-8"= 46"闊既櫃, 咁就保留到對52放在正前方相隔差不多5尺既地方. 再係頂層加塊高個部Amp既自製頂板. 好似依家我要黎托電視果塊, 不過今次要成個櫃頂咁大塊, 即係"僭建"多一層出黎!! 今次應該work喇掛?   但地櫃無位放十仔, 唯有擺返位家呢個位算數. 放鞋架前面既方法試過喇, 我呢隻反射式向下打唔可以擺冷巷邊, bass會散晒水會無晒底音, 我相信換隻sunfire放果個位都唔掂!

得閒又要去家私舖搵櫃喇, 本身仲諗話唔靠財爺C捨都買得起座地, 如今攪得黎我諗都袋左果6千蚊喇.........

sclendan

依.... 唔記個放返部amp落去C果張度添......

果張用黎改既相係在sofa左邊座位背面影既, 咁先影得晒條冷巷, 如果在右邊影, 我諗斜角問題會易睇到d...

依家睇相好似無乜野, 實際真係唔同, 真係好闊, 有d頂唔順嫁.....

chacha7

咁係咪唔得？
1. 櫃可換可唔換，睇你同size。如果換，找些"open"的架可增加空間感（不過要找空間放現在櫃的東西）
2. 喇叭可座地可書架，小D就冇咁礙手腳。
3. 喇叭離牆可增加聲音空間感。
4. 大喇叭的底音與小喇叭的空間感，我傾向後者。當然不是說大喇叭冇空間感及小喇叭冇底音，是相對而言。用書架的話，書架有氣“抖”，低音也可以。照你把底地放在角落，聲音很難抖氣，boom 的機會也多些。你想想。
5. 可考慮梳化後加超小型櫃（紅色），可擺平日較少用的碟及小雜物。可僅及梳化頂（可考慮無印長身透明櫃桶櫃，可放blu-ray及dvd，），亦可向高空作小發展。舊櫃某些東西可放這裡。梳化加只軟膠墊，拉出拉入易如反掌。

唔知得唔得

ricoy288

回復  ricoy288


    尋晚度左喇, 就算用成套52前/中都擺得落, 不過正當我開心之際, 度一度個中位, 才發 ...
sclendan 發表於 2011-6-21 18:37

如果唔想換櫃, 3個中，我覺得B都ok, 如果你唔介意TV放左少少.
因我覺得你果張係2座位sofa, 所以冇理由個皇帝位係正2個位正中. 皇帝位應該會係左邊個位(坐左計),
呢個位聽歌睇戲最正.
反而隻左後置就要裝係2間房門既中間位，甘就可以拉闊個音牆，及前置&後置既闊度都可平均返.
不論你用座地或書架，用B加上改改個左後置好似好D.

呢個都係小弟既小小意見姐.

joelkw

如果唔想換櫃, 3個中，我覺得B都ok, 如果你唔介意TV放左少少.
因我覺得你果張係2座位sofa, 所以冇理由個 ...
ricoy288 發表於 2011-6-21 23:09

Agree~~ 個皇帝位O既中線冇理由O係兩個座位中間條"那", 因冇人會坐響條"那"聽歌睇戲~~ 連帶後置都度錯位~~ 歪左埋一邊~~
其實套AV應該以皇帝位為中線而SPREAD開去度位O麻, 坐皇帝位果個人先係主角USER O麻, 個AV櫃要黎擺野O既之O麻, 分唔分中有咩所謂.