初試 ONKYO PR-SC5507 的威力

maner394 · 發表於 2011-6-5 00:44

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 maner394 於 2012-2-24 16:54 編輯

終於攪好套機，由之前807升到現在純前級5507，我個人覺得有好大轉變，成套機好似換咗第二套咁！

先講下我對之前用開的807感覺，聲音理身距離近，聲場唔濶但洶湧，而聲音欠細緻同分析，都算係一部比較冲擊型的 avamp！

  係轉換5507前，我自己會覺得807和5507，聲底和風格應該差不多，理應5507只是在各方面比807優勝，但原來我這個想法................是錯的！

  當我興高彩烈的 set 好機，坐好開機睇功夫熊貓時，我當堂呆了一呆，點解....點解D聲咁既？係咪 set 錯機呀？

  原來5507的聲底和風格，完全和807唔同，"係完全唔同".........5507聲音唔埋身距離遠，聲場濶但唔湧，低頻的衝擊力比807弱，但低頻更細利同結實，係應出就出，而聲音方面，係非常細緻同超高分析(比807)，以前聽唔到D聲，依家聽得好清楚，物件遠近定位好清楚，環繞連慣感好強好強！

再選看"容"演唱會，呢一刻我感動了，5507的空間感好強但不吉耳而有力，音樂感非常之好，由於睇演唱會時，我個人喜歡用上 fornt-height mode，而5507的fornt-height比起807時，效果處理更明顯同優越，而呢種空間感，我開始喜歡了！

   總括我對5507的感覺，我覺得5507睇演唱會，會比睇戲強，而之所以我會有呢種感覺，可能係自己聽慣803、606、807一貫安橋聲底，所以一時間唔習慣，而5507的聲音是比807耐聽，聽得耐都唔會累，而5507的分析力，往往突然會比到驚喜你，我對5507的超強分析力，感覺是正面的，在當日購入呢部純前級，係呢一刻，我覺得自己無入錯貨！

   最後提一提想由安橋avamp 升上av pre-amp 5507的師兄，要有心理準備，5507不是一貫聽開安橋 avamp的兇猛聲底，不過如想5507聲音狼一點，可在後級和拾仔上配搭番，所以大家購買時真的要試清楚！

   還有我覺得呢部5507最大優點係....有8入2出 HDMI，而2出仲可以一齊出或獨立出，對我地有玩投影帶來非常方便的設定！