|
|
本帖最後由 explorerhk 於 2011-6-12 10:48 編輯
今日10:30到上到華強, 其實我約左司機2:00接我的, 但我驚架機有乜大件事都希望可以夠時間換, 所以第一時間就去驗貨先. 我去到Sales哥哥已經準備擺好左我部機係Counter, 跟住我隊左隻有好多幅單色1920x1080的jpg 去驗機. 個sales哥哥見到仲即時同佢同事講話我好專業喎, 但我心諗話你估我係香港買機咩, 有事送返上返大陸都麻Q煩啦. 跟住我就逐幅逐幅睇, 有少少唔好彩我發現左有1點"半死點"但無光點, 果點點解叫做"半死點"係因為係藍色紅色黑色時係見唔到的, 但一出白色青色黃色就見到, 係畫面o既左方, 但唔算太明顯, 跟住我睇左1陣大陸數碼電視都唔覺粒半死點, 跟住sales哥哥仲俾左佢部displya機我睇有光點. 我見咁就算啦收左貨, 話晒如果佢肯換都有排等, 仲要新黎果部唔知會唔會仲差. 跟住我試埋Remote Control 無事就pack 返盒. 到左1點半到, 我就走返轉頭俾埋條尾數, 跟手sales D 兄弟就幫我搬部野去樓下上7人Van, 我今次租呢架係Alphard, 800蚊包點對點, 新界九龍就$800, 香港就$900. 架車好大放部55"仲有大把位. 如果有師兄想買65"應該完全無問題. 跟住唔洗10分鐘就到左黃岡, 司機哥哥話今日唔多人走, 所以我連人帶車一齊過關, 跟住我同司機哥哥諗住報關, 因為真係驚部野有大wok野如LED panel 死左, 運返上大陸整就可以唔洗俾錢整, 但如果咁大wok, 係香港整佢除時收你1皮半皮. 但點知問左個關員佢話唔洗報, 佢話如果你有買貨單第時入返黎時show張單就可以, 我同司機哥哥都唔係好信. 跟住到關口再問多另一個關員, 呢個就話其實我係要報的, 不過佢好似都費事攪又叫我地唔洗咁, 咁無計啦佢唔肯攪我地唯有照過. 佢臨走時仲串我仲乜會上陸買電視, 話乜香港唔係平D咩, 司機哥哥就好醒水幫我吹水話係大陸有保養耐D. 跟住過埋香港關又順利通過. 我本身住沙田果面, 由2點係華強走, 去到我屋企樓下都係45分鐘, 出奇地快, 我估可能今日唔塞車啦, 仲快過我平時係旺角返屋企.
今晚玩左成晚我真係睇唔出畫質同香港行貨有冇咁大分別, 如果以咁o既價錢買到Sony 頂級Model, 我完全收晒貨. D黑位好好, latency好低, 睇快野完全唔覺有delay, 個on screen meun 反應超快, 睇晒香港所以數碼台, 仲可以上網睇埋YouTube, 仲有個Bravia Network, 可以睇到Now 同BB100 d channels, 我都真係唔知講乜好. 我試埋3D, 睇頭1-2分鐘隻眼係有少少閃的, 其實都好正常因為幅眼鏡真係不過左閃右閃, 不過過幾左1陣對眼tune返正, 閃爍情況差唔多唔覺. 我先前其實睇過LG個被動式3D眼鏡, 佢係好在真係唔閃, 但個畫面會暗左同唔可以打太斜睇, 畫面黑位同details位更加唔洗同Sony比. 我當初買Sony時都擔心眼鏡閃爍問題, 但今日玩完一排, 完全唔成問題.
講左咁耐好野, 都講返D唔好野啦. 個on screen menu 無繁中, 得英文同簡中, 我本來都轉左英文, 但問題就係佢連idTV個EPG都自己轉返晒做英文. 第2個電插係連機身的.
唔想攪到人個post, 我決定左開新post, 如果有野想問想知, 請去呢個post, 入面有埋圖.
http://www.post76.com/discuss/vi ... &extra=page%3D1 |
|
[複製鏈接]
發表於 2011-6-10 17:34
