如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 minidetective 於 2011-5-21 23:00 編輯
今日跌咗千幾蚊,不過跌得好開心.自從玩返AV之後一直對套架生嘅中頻表現唔係咁滿意,縱然駁咗Bryston 4BST同Hales Concept 2又換埋Chario Phoenix中置喇叭都係一樣,又其係力水同槍聲達唔到我嘅要求.當然又要係Post76呢度埋頭苦幹做功課搵資料,終於俾我發現好多師兄對Acrolink 6N-P4030呢條電源線嘅評價都幾正面,今日終於行動去MK睇吓做緊乜價位(其實心中已大約知道),去到間鋪頭閒話幾句之後就問吓新出果條Acrolink 7N-P4030II幾錢, 點知報個價出嚟我接受唔到囉,咁即刻問吓我心目中條Acrolink 6N-P4030幾錢喇,點知報出嚟個價另我喜出望外,即刻科水走人.返到屋企二話不說即刻駁落Bryston 4BST到,雖然條線係全新嘅未run in, 聽返平時試開果幾套演唱會同戲(蔡琴,張敬軒,蝙蝠俠黑夜之神,不可能任務III等,但改善之大已另我吃驚,高音分析力好好,俾平時聽多咗D野,人聲柔順得嚟,槍聲又有力水,低頻動態有增冇減,已經同自己講呢千幾蚊真係值回票價.跟著將駁住Denon AVR1801嘅XLO同Acrolink 6N-P4030對掉玩吓,點知一試即刻O晒咀,真係唔相信係同一部機出聲,全頻分析力大增瞬變快咗好多(包括埋後置喇叭),背景寧靜高音幼滑,人聲甜潤感情豐富,槍聲實凈動態十足.呢條線可以用兩個字嚟形容,第一個係平………. 第二個都係平,第一平係高中低嘅平衡(咁嘅價位唔係條條線都做到),第二個平係價錢平(千幾蚊全新想死咩).我個人覺得每個師兄都應該至少要擁有一條.
|
[複製鏈接]
發表於 2011-5-21 22:56
樓主
