終於完成~~Portal 2

marcolau

以解謎game黎講，其實portal第一集唔算難，宗旨就係來來去去都係搵白色牆打傳送門，一日內已開晒成就.....
而第二集解謎比較複雜同有趣，但都係易，我都係第二日就開晒單機成就。
相比起同係解謎嘅ilomilo比，portal真係少毛見大毛，實在唔明鬼佬點解對一隻咁簡單嘅解謎game比咁高評價，似乎香港人同鬼佬品味有別。

好在二人co-op大家一齊諗過版係相當有趣，取回唔少分數，
但奈何要上網搵人玩唔係易事，我個fd list只有兩個朋友有買，而且仲要係我爆晒單機佢地先玩，
所以成就一拖再拖，早兩日我更加等唔到朋友而一個人用兩個手掣(係左手同右手玩)爆機及開成就。
最後剩下三個必須要好友先開到嘅成就，至今日先能夠開晒.....還左心願.....

第一代首歌的確好正︰
[youtube]Y6ljFaKRTrI[/youtube]

@肥狗仔@

以解謎game黎講，其實portal第一集唔算難，宗旨就係來來去去都係搵白色牆打傳送門，一日內已開晒成就.... ...
marcolau 發表於 2011-5-14 01:57

    係鬼佬個評分準則入面「難」唔會係比分重點，所以《ilomilo》果種唸到頭都爆埋嘅解迷都唔一定會有相同成就。其實當年《Portal 1》算係少數純FPS解迷，創意度本身OK，有高分數，但分數基本上都維持係係《Limbo》同一個水平上，不過今次《Portal 2》個分的確太高，如果用返鬼佬個果d所謂比分位，今次個co-op模式係獨立一個故事，誠意十足，關卡設計良好，而且故事情情節都比較宏大同搞笑。如果1代普遍係比9分的話，3年後嘅2代有上述幾項嘅進化又值唔值得比埋果0.5分呢?冇得話佢地錯的，不過我都覺得《ilomilo》應該可以有更高評價，睇黎d鬼佬都唔多浪漫。

marcolau

係鬼佬個評分準則入面「難」唔會係比分重點，所以《ilomilo》果種唸到頭都爆埋嘅解迷都唔一定會有相 ...
@肥狗仔@ 發表於 2011-5-14 10:13

我有睇過評價，解謎game竟然對解謎冇要求只在乎過程覺得保留，
我本身係中意解謎嘅人，對解謎game要求一定高，即使portal關卡心意再好，但白色牆已經出賣左佢。
實在佢個co-op的確係重點所在，如果唔計解謎難度佢的確係史上最強co-op game。
實在我d朋友佢地都話好玩好玩，我就仍然宗旨係搵白色牆，co-op時惑覺好似ilomilo，如果ilomilo有online co-op我諗評分會更好。

portal仍然值得推介，不過會搭多隻ilomilo....
但如果要我co-op我一定唔玩，事關我已經爆左，叫我扮唔知陪佢爆多次係冇可能，因為扮唔知唔出聲對co-op解謎冇意義。