一個俾人「搵笨」既經歷，希望各位以此為鑑！

myeverything · 發表於 2011-5-13 08:26

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 myeverything 於 2011-5-13 09:03 編輯

件事係咁既，我其實一向都好鐘意上網bid下D 二手/全新既DVD、BD、或者遊戲碟等。由於我都係叫做一個【收藏家】，所以bid既碟一定唔可以太花，如果係小花數小條的話我都無問題，係可以接受到既，所以一向我都會先問清楚個賣家，D碟花唔花我先會bid既。呢幾年我都好成功咁買到好多又平又新淨既碟，但好景不常，前兩日我就遇到一個【大騙子】。

話說兩日前我又如常上雅虎拍賣睇下有乜碟賣，一睇，見到有一個賣家放左一大堆二手DVD上去，有差唔多成三百隻！而且裡面仲有好多都係D唔錯既戲，內文係咁寫既：「因搬屋大量出售，請到我的拍賣看看，如平郵寄出不包括DVD盒(只有封面紙及DVD碟)，全部為3區，碟微花，100%有中文字幕，如滿10隻可面交(連DVD盒)，不要亂bid，起步價為1隻DVD價錢(就算勝出都只得1隻DVD)，1隻$25，5隻$99。每套戲只得一只，要買就要快！」我見圖中DVD既盒全部都好新淨，以我多年既經驗佢唔似係收賣佬，而且絕大部份既時間，如果個盒新淨，通常裡面D碟都唔會太殘舊，一般黎講係可以成一個正比！

就係咁，我好快咁揀左15隻碟，然後就電郵留電話俾佢，佢又好快咁留返佢個電話俾我，叫我打俾佢，咁我就打俾佢約時間交收........ 數次既對話中，我已經多次咁問佢D碟係咪只係【微花】，佢就話係！話D碟最多只有一兩條【小花痕】，又話都係可能借俾【朋友】時，【朋友】唔錫碟所產生既！之後又話10隻碟有8隻都好完美！咁我聽完就放心啦，咪約實佢交收囉。一出到黎，佢已經遲左15分鐘，我無問題，一樣笑住咁同佢交收。由於實在係太過多碟，而且我又見到D盒係非常新淨，再講我之前又多次問過佢D碟有無花，有時又係要講個「信」字(因多年來都係咁)，所以我完全無檢查過D碟有無花(非常失敗！！)，點知.......... 返到屋企............ 經過種種既驗證後，呢D碟99%係【出租碟】！！

事實一：佢D盒非常新淨，但D碟就好花下，一般黎講都係「中花」級別，而且碟面好殘舊，有時仲會有D綠色既污漬o係碟邊。我諗極都唔明，點解佢D【朋友】可以搞到D碟咁殘，但同一時間又可以保存到D盒咁新呢？原來，D出租店只係會租隻碟俾人，而個原裝盒係唔會俾你既，所以，【盒新碟舊】係完全合理！

事實二：佢內文寫「因搬屋大量出售」及「每套戲只得一只，要買就要快」，呢D全部都係大話！！因為同一套戲，佢係可以唔止得一套碟既(見下圖)！佢賣完一套戲俾我後，竟然可以又放過同一套戲上去賣，如果真係自己收藏既碟，又點會買咁多套同一套既戲呀？？除非係出租店，【一戲多套】咁就合理！

1.0.jpg

事實三：我15套戲裡面，竟然有兩套，個盒係有個條碼o係上面(見下圖)！我自己都買過無數次新碟，從來都未見過D咁既野！呢D仲唔係出租店用既條碼黎！？

最搞笑係，佢當完我係傻仔後，佢都一樣當全世界既人係傻仔(見下圖問答，【買家】唔係本人，只係剛剛有其他買家問佢野)
問題 1
買家 : 15套dvd $250 ok??
答覆
賣家 : 最平$280—15套，有興趣就通知我，謝！
問題 2
買家 : 你果d係咪出租碟?或者係出租碟買入自用?我見全部都無紙套 . . .
答覆
賣家 : 全不是出租，是買返來的。但有些因保存問題，所以紙盒有些掉了。

朱西3.5.jpg

我想講既係，雖然錢唔係多，但感覺就好似俾人扼完一樣，D碟太花我跟本就唔會用黎收藏，就好似買左D垃圾一樣......... 唉，有一句說話其實都幾真，就係「相由心生」，雖然我都唔係幾鐘意以貌取人，但當你地見到一D蛇頭鼠眼既人時，就一定要小心小心............ 希望我今次既經歷，大家可以以此為鑑，買野點都要check到真一真，唔好下下單靠個「信」字。

朱西1.5.jpg