雷神奇俠....J J 小評 (含內容)

lkljason · 發表於 2011-5-12 12:31

一套由trailer至到上畫宣傳從未考慮過睇既電影，無論主角人物造型同選角一d都唔吸引，好彩有黑天鵝影后妮妲莉寶雯頂一頂住先會為意o下套戲，到正式上畫影評竟然唔錯，加上有朋友推介o下，即管搏一搏無頻撲既精神睇一睇..............早場啦！haha...就算唔好睇都無咁傷嘛！

故事簡單明快，有笑料有特技，故事係就係勁老土架啦，咁話晒Marvel hero既故仔，你都唔好期望有好深層次既描述啦。雷神因自大做野唔經大腦，雖然已經坐定凹六係皇帝既接班人，不過好衰唔衰比佢個唔同老豆唔同老母既細佬線一線，佢老豆一個唔該貶阿雷神落凡間做個凡人，笑料就由呢度開始有勒。女主角呢套戲黎講都唔算突出，始終焦點都係位超級英雄嘛，不過佢今次都唔算好花瓶果隻，但略嫌同男主角既愛情線小左描述，唔夠刻骨果隻。笑料除左佢落左凡間之外，佢同ironman既函接位就係果位特工身上，如果有睇ironman 2最後既片段，應該都講果位特工發現到個鎚仔~~~拿！果個原來就係雷神個鎚仔勒。

總結：值得一睇既超級英雄片，好睇程度比 Ironman 2 好，3D效果可有可無，最敝2D版上映戲院唔多，加上音效配套又一般，唯有焗住睇3D版啦！最後都提提各位，Marvel hero電影例牌野，出晒所有人credit仲有伏線片段仔，都有成分鐘架！