|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 googleli 於 2011-5-10 23:17 編輯
上個星期六約左去大昌Showroom試聽CD機 
Cheap Cheap新手第一次去試聽呢D高檔野 
帶左一堆CD, 兩隻聽開的headphone (Ultrasone Edition 10和Audeze LCD2) 
仲帶埋自己部膽機和cheap cheap線材去試 
因為咁先聽得出部機在自己器材上會發揮成點 
由於事前約好代理,去到已駁好今次主角 ESOTERIC K-01- 價值十三萬幾 
駁的前級是Accuphase 旗艦前級 - Accuphase C-3800, 價值十六萬 
要佢駁呢部前級係因為佢個headphone out在head-fi界令它被認為是最高級的Headphone amp 
當然, 係咪真係有人拿十六萬買部機番黎當Headphone amp就不得而知 
但有機會試下呢個終極組合, 幾大都試左先算 
我諗佢開張以來都無人搵呢個組合黎試headphone 
後級和喇叭反而唔係好理, 因為諗住試自己器材和headphone 
但還是描述一下- 後級是兩件Esoteric Monoblock 
喇叭是Chario唔知乜型號 
既然佢已經駁左,當然都要試下, 試左兩首人聲只能話幾好,OK. 
但唔知係地方太大定點 
音場和音質都不太滿意 
之前睇過一些去過大昌Showroom的報告都係話麻麻地 
發揮唔到K01 
我覺得係ESOTERIC個後級唔夾 
唔明佢點解唔用番佢果度果部Accuphase後級 
一係就係喇叭... 可能聽唔慣太高級喇叭掛 
聽完喇叭有D失望, 於是我就二話不說,走埋去部老金旗艦前級度,
駁我個LCD-2 headphone黎聽. 一聽即刻O晒咀. 
如果大家有玩開Headphone都知道LCD-2最大的好處是什麼 
就是它的Frequency Response量度出黎是一條平的橫線 
相信Monitor 喇叭都好難做到的, 用佢黎做reference最適合.
用K-01和C-3800一聽LCD-2, 第一個感覺係我以前聽同一首歌的資料量大概只有一半,
我要用一分多鐘才能適應呢個組合帶黎的分析力和資料量
一適應了之後直頭想喊出黎 - 原來我之前聽少咁多野 
雖然我在影音上還是一個cheap cheap新手
但自問聽了幾個月的Esoteric D07也不是泛泛之輩
尤其在駁左Oppo 95當唱盤後, 一直令我好滿意, 以為已經好勁
但係一聽以上組合真係覺得自己係名乎其實一個cheap cheap新手. 
每一個音和細節在LCD-2的演繹之下都是完美無暇
聲音的結像度和密度也是我這生人沒聽過的充實 
我心想, 這應該就是高級器材和一般器材的分野吧
我們玩的器材所謂進步其實很多時都是音色上的不同 
而不是基本質素的差異, 但到了這level, 才感受到各方面切切實實的提升. 
如果硬要在這組合裡找出一個缺點, 就是Esoteric的分析力加上Accuphase的清聲底
導致在LCD2出來的聲音太過完美, 完美到失左一份真實感
我果個聽開高級野的朋友也是這樣認為 - 他問我: "是否欠缺一點音色?"
我都唔知講乜好... 因為呢個組合真係太完美... 難道太完美都係一種不完美?
聽左幾首歌, 唔捨得走, 但我和一起來的朋友也覺肚仔餓了 
便出去食lunch, 於是便將價值都五六皮野的膽機和耳筒劈晒響代理度, 
叫佢幫我睇住,根本唔需要顧慮咁多, 因為佢果度是但一舊野都貴過我當日帶去的東西加埋...
順便叫佢將我部膽機(Leben CS300XS) 用我用開的線材駁部Esoteric K-01,開機煲一陣食完飯番黎試.
係,無錯, 我毫無羞恥地將自己的cheap cheap RCA和電源線帶埋去試機.
跟住就同個friend出去食飯. 
(待續) |
評分
-
查看全部評分
|
[複製鏈接]
發表於 2011-5-9 23:39
樓主
