當看完親子樂園後

koo9726

剛才睇完Blu-Ray無所事事,就去開電腦做返D指定動作,咩Bird!!!! 當然上76網拱一拱啦!睇下睇下....睇左親子樂園區都唔知!一睇就睇左四頁分享,見到好多師兄都是用喜悅的心情去分享和心干寶貝相聚一刻.需不是身在其中.但!!!!我都睇到好好好開心 好感動 但又好感慨
       話說在十五年前,剛二十四歲生日的太太向我問,你要不是細路(後代)?!要就親現在還有氣力時生左先,如果唔係過多五六年我三十歲就未必有氣生嫁啦,而當時的我就好豪好Man咁講,妳知我最憎D死0靚仔0靚妹,見到人地果D又躁又百厭  到時如果自己個BB出左世.一定日喊夜喊!到時我咪唔洗訓!! 到細路長大少少又要供書教學!! 而家已經供樓供得咁辛苦,到時又供多個人仔!! 我唔想囉 .就這樣,我們的二人世界直到現在
     正所謂人各有志,每個人方向,想法都不同,今時今日的我,依舊都是十五年前的想法!而改變的是.我會留意別人的小孩子, 觀察大人如何和小孩溝通.共融.
    看完這四頁分享,我的而且確是眼有淚光,是歡愉!是感動!是受感染!
   最後祝各位天下父母健康快樂,有你(妳)們,才有我們,母親節快樂!父親節快樂

sounddecision

正所謂人各有志,每個人方向,想法都不同

呢兩日小女兒發燒 ，半夜重燒到39度，當時真係好擔心 好彩最後都退燒。第一次感受父親壓力。
做咗人父母先體會到從小朋友得到嘅喜怒哀樂，有時會好羨慕以前未有小朋友嘅自由生活 ，
但當小朋友逗你開心時候會發覺從來都唔會後悔決定做爸爸。

小瑟

你的感動, 做就更多的分享!!
多謝~~

koo9726

你的感動, 做就更多的分享!!
多謝~~
小瑟 發表於 2011-5-8 22:34

    多謝小瑟兄對我的發表有所共鳴

ronaldlaw

凡事有得必有失，失完又可能得返。
生完細路我既生活模式改咗好多，初初同太太係照顧小朋友上多分岐易嘈交，而家阿仔4歲半了，見到佢每日都有進步，改變，所謂之前既生活模式改變已經變成少事一宗，見到小朋友嗰種單純，佢都比我好多啟發，不竟做人最緊要係開心滿足就夠了！

chroma1974

果然係精品文章

ram

凡事有得必有失，失完又可能得返
生完細路我既生活模式改咗好多，初初同太太係照顧小朋友上多分岐易嘈交 ...
ronaldlaw 發表於 2011-5-11 11:20

正! Totaly agree!!!!

wrxgc8

Agree...X2...

danny73

人各有志,每個人方向,想法都不同.......
Totally agree, everyone will choose the living style they prefer, no absolute good or bad, each option you will have give and take, be happy and safe with your family is the priority, just like playing hifi, no matter it is high or low gears, using your own ruler to measure your satisfaction and it is the rule.....

koo9726

我完咁多位師兄既回覆,我惗起一首歌
冷暖那可休   回頭多少個秋   
一生何求 迷惘裡永遠看不透