幾套 J J 影評 (含內容)

lkljason

好耐無出影評，近呢兩個禮拜睇左幾套戲，講真無一套叫做好睇！


納尼亞傳奇 黎明行者號

戲院上時影評唔錯，可能期望過高，真係勁勁勁失望，睇黎再有續集都可以考慮o下唔睇。成套戲睇完好似無睇過咁，故事唔緊湊，CG特技同d怪物造形無驚喜，因為呢集只得賈思潘王子、露西同edmond擔大旗，無左大佬同家姐o係度，感覺真係差d，追開既一睇無妨，我自己覺得買左都未必會翻睇，所以無謂o徒錢勒！



最強囍事

胡鬧到爆，真係好彩借黎睇姐，如果買既話真係當場會掉鬼左隻碟佢，就算有久休復出既柏豬同首次拍喜劇既子單都幫唔到d乜野手，古仔雖然稍為好d (比對上果套家有囍事)，但呢集既劇本都唔好得去邊，就算咩明星做都死，我既忠谷就係唔睇無損失。



我愛hk開心萬歲

感覺同上年套72家租客差唔多，不過今次就講公屋情懷，而當中既回憶翻後生果時既情景，同72好類似，所以如果你地72都睇得開心既話，呢套應該都會覺得 ok，因為無記加上曾生既號召力，所以就算茄哩啡既角色都會係d明星仔客串，所以買比阿爸阿媽睇既應該都會唔錯，如果以今年賀歲片黎比較，我鐘意呢套多過最強囍事勒！

TrendHK

最強囍事 依D戲睇完就算啦 @@ 唔駛太認真

jt24

老實講之前我都仲諗緊租唔租“最強囍事”嚟睇，依家睇完版主嘅影評，真係可以慳番囉！

lkljason

呵呵~我無認真架！都係純粹分享吓睇完嘅感受架炸！


- 發送自我的 iPhone 大板凳應用

lkljason

如果想睇Angelababy嘅朋友就更加可以憪翻，因為頭搭尾都唔知有無出場3分鐘，最搵老襯係poster仲要係其中一個大頭相


- 發送自我的 iPhone 大板凳應用

qqsnk

依D戲睇完就算....

dragonyam

最強囍事 + 我愛hk開心萬歲,過年都有入埸睇,嘻嘻哈哈笑完都唔係好記得D內容,睇咗就算

lkljason

咁又係！不過而家賀歲片硬係無舊時果d睇得咁開心，可能年紀唔同，同埋唔中意而家d卡士既賀歲片！

sclendan

好耐無睇過JJ影評! 要支持...
不過果兩套你都睇...... 唉.......

dragonyam

至於納尼亞傳奇...第一二集都有睇...第一集以當時來講...非常好睇
但第二集完全失望到極點...連廸廸尼都唔玩就知原因...而家仲轉埋代理發行...
呢集我更加無睇過添...己經放棄咗呢個系列