Wii 2快將公開?

@肥狗仔@

其實Wii 2的傳聞一直以來都不比PSP 2來得少，隨著近年PS3和360分別推出了各自的體感設備後，業界就更加關注任天堂會採取什麼行動。儘管早前該社的CEO仍然很淡定地暗示了「減價」這一最後殺手簡，但當然沒有人會相信任天堂真的沒有公佈新主機的計劃。而今天，IGN﹑CVG﹑GameInformer同時表示他們收到了業內人士的消息，指任天堂很有可能在今年E3上公佈他們的新主機，最快甚至會在本月公佈，且連主機初步資料也得到了。據悉這個消息可信性甚高，再加上Engadget剛剛亦都報告Wii將會於5月15號降價到150美金，究竟是什麼原因使任天堂在E3前夕才來降價呢?相信世事沒有太多巧合吧。

以下是媒體收到的一些相信是這台任天堂新主機(Wii 2?)的資料:

1. 對應高清，甚至可能達1080p。

2. 機能絕對比PS3或360要強。

3. 仍然會有手制出現，但手制上會有個內置HD螢幕，IGN收到消息指會是輕觸式螢幕。用途未知。

4. 向下兼容Wii遊戲。

5. 已經有第三方開發商進行新主機的遊戲開發。

6. 任天堂現在正四出向遊戲公司演示新主機，希望獲得他們的興趣。

7. 目標: 核心玩家。

8. 有可能在2012年底才推出。

gari1103

excited excited!

tangcoma

機能絕對比PS3或360要強
目標: 核心玩家
最好support 3D 同1080p............................係就真係太好了 , PS3同Xbox360據聞重要玩多4-5年先出下一代 ! 而家wii 2出可以頂一頂 !

1080/24P

PS2=DVD PS3=BLU-RAY PS4=?????橙光?紫光?....要等下個格式有排等
任天堂快D出, 我唔想玩老爺機啦1XD

dragonyam

機能絕對比PS3或360要強...最有興趣...

Raphael

既然話機能比 PS3 及 XBOX 360 強, 無理由仲係 "可能" 達 1080P 掛...........

@肥狗仔@

既然話機能比 PS3 及 XBOX 360 強, 無理由仲係 "可能" 達 1080P 掛...........
Raphael 發表於 2011-4-26 09:18

    傳聞消息而且~因為之前一直傳出老任會出720p版Wii~呢家傳聞只係針對性指出係1080p咁解~不過d遊戲原生有冇1080p又另一回事~另外據說新機只係比PS3/360稍強~

qqsnk

"機能絕對比PS3或360要強"....但老任一向都唔係賣機能同畫面...

@肥狗仔@

"機能絕對比PS3或360要強"....但老任一向都唔係賣機能同畫面...
qqsnk 發表於 2011-4-26 12:18

    老任的確唔多賣機能的~但若果真係出年推出~而機能比6﹑7年前的PS3/360仲要弱實在講唔過去~今次出新主機估計係老任想打入高清機市場而且~我比佢機能真係勁過哂PS3/360~但到時M$同SONY都差唔多會公佈新主機~機能方面肯定會大幅拋離老任呢部新主機~

Raphael

下一代主機到底仲可以有乜強化呢....?
高清同ONLINE已經不值一提.... 而且目前體感已經做到, 3D亦都可以....
真係諗唔到仲可以有乜驚喜