蝙蝠俠 - 黑夜之神 ( J J 小評.............含內容)

lkljason

滿懷其待等呢齣戲，終於襯呢個禮拜帶埋老細去睇，今日o係新世紀嘉禾院線8號院睇，座位比UA既闊趟同埋係sinomax既凳，所以睇兩個幾鐘頭都無"支力"既感覺！


今次劇情比較複雜兼緊湊，出場既人物亦比較多 (包括連上集既稻草人角色都有出場，雖然只係客串性質)，真係唔留心睇既話都會睇到一頭霧水，唔好期望不停有觀能刺激既野或者超多高科技既武器比你睇 ，今次係描寫batman既內心世界同人性道德既價德觀比重較多 ，小丑雖然我覺得佢只係一個比較有智慧既癲佬罪犯，但佢果種有組織無目的既行為 (佢唔係為錢架！所以至搞到BATMAN咁頭痕) 同果種陰謀都令人不寒而慄，雙面人原著我唔知佢係乜野人，而呢套以雙面人身份出場亦唔算多，但佢既收場都幾悲哀 (註：佢個雙面人特技化妝真係一流)。當然最悲哀梗係我地既黑夜之神batman啦，無HERO既銜頭外仲要食死貓，被小丑迫到透唔過氣之餘，加上連佢鐘意既女女都...................。


鐘意上集batman begin既朋友我相信都會喜歡呢集，散場後我都幾擔心我老細嫌悶，但佢既答案都幾出乎我意料之外，佢竟然話都ok喎幾緊湊丫！唯一覺得唔夠PERFECT就係女主角轉左第二個做所以連貫性好似差D！


題外話：好心"觀A" 佢就咪鬼接呢套野啦，真係比茄喱啡更閒既角色，SORRY~~直頭唔可以叫一個角色，佢只係做一個路人甲炸！

[ 本帖最後由 lkljason 於 2008-7-20 21:47 編輯 ]

小瑟

哈哈,  我星期日都一枝公去睇左, 我同你既觀點同睇法可以話係一模一樣, BATMAN既悲哀, 覺得小丑係癲佬, 雙面人特技化妝真係一流, 轉左第二個女主角, 睇法都係一模一樣, 就連亞 "觀A"係啡到唔啡既茄喱啡, 我都同小肥講左一次~~哈哈, 比個5我:lol ~~~!!!!

lkljason

呢d咪臭味相投囉~~~sorry~~~係志趣相投至岩！;P ;P ;P ;P

尋晚即刻開翻第一集 (batman begin) 黎睇，兩集講既野其實都好一致，不過呢集描繪善與惡同是與非既對比更強烈！

小瑟

我係去戲院睇之前, 即時買返套 blu-ray, 由頭睇多一次先, 之後再入場, 連貫到喊~~:lol

不過學你講得岩, 唔係 fans既人真係會話勁唔好睇, 我岩岩有個 friend打比我, 就係諗住叫我唔好去睇~~~;P ;P ;P

lkljason

係囉！我都應該睇呢套前睇左先嘛！XD XD

劉一舟

台灣某購物網站已經有台版DVD預購，一款係全球限量蝙蝠面具雙碟DVD版 (咪同英版包裝一樣？)，一款係普通雙碟版DVD！！！Smilies013

[ 本帖最後由 劉一舟 於 2008-11-19 16:55 編輯 ]

laiho

點解香港好似咩都渣過人
遲又遲過人,貴又貴過人Smilies013 Smilies013

dts6.1

原帖由 laiho 於 2008-11-19 12:41 發表
點解香港好似咩都渣過人
遲又遲過人,貴又貴過人Smilies013 Smilies013

香港有幾大Y ..........

LAWSON

咁似ironman既個面具

bo9bo99

原帖由 劉一舟 於 2008-11-19 12:38 發表
台灣某購物網站已經有台版DVD預購，一款係全球限量蝙蝠面具雙碟DVD版 (咪同英版BD包裝一樣？)，一款係普通雙碟版DVD！！！Smilies013

係同英版DVD一樣, 唔係bd AR..