呃人電話又出動

AW2

今晚搭車番屋企時收到個電話話係香港大學做民意調查, 咁我咪繼續聽:
女: 請問你追到通脹嗎?
我: 吓? 你想問乜呀?
女: 我係問你追到通脹嗎?
我: 我實在唔明你問乜? 你條問題好有問題囉, 乜野叫做"追到通脹"?
女: 我意思係通脹你追得上嗎?
我: 當然追唔到啦.
女: 多謝你, 好而家要少少個人資料做參考, 請問先生既職業係?
我: 傳媒
女: 哦(dead air左兩秒), 請問先生你公司係幾多呢? 一萬五千以上定以下?
我: 吓? 公司? 我無公司喎.
女: 哦(又dead air左兩秒), 我係問"工資".
我: 以上.
女: 請問你係20-30歲?
我: 係20-30歲以上
我: 請問你係邊間機構既調查?
女: 我地係香港大學既?
我: 你係香港大學?
女: 我地係香港大學委託做調查.
我: 咁你地係邊個團體呢?
女: 哦(又dead air左兩秒), 係香港大學委託我地中山一間公司做調查.
我: 吓? 中山公司? 印象中香港大學無搵過中山既公司做調查喎.
女: 咁好啦. (極速收左我線)

結論: 今次搵老襯硬銷電話搵港大過橋, 真係報得警! 港大都有自已一team做民意調查, 駛乜搵公司做, 仲要係中山既公司?? 再者, 民意調查響十年前已經係用電腦做, 不經人手, 亦都唔會問埋D咁個人既資料, 要呃人都用下腦啦, 唔該. 再者唔該set問題時做好D, 或者搵個識表達自己同識中文既黎做, 連問人幾多歲都可以問成咁, 無言.
最後我會公佈佢既電話號碼, 等大家以後見到呢個號碼絕對可以唔聽!
31899962

lolopopo

依個電話號碼我都見過，但打去就長響:L
我都有類似電話，不過我話唔答，
收線後又再打來，點都叫我答，我就亂答。
最後就例牌問貴姓，我話唔答，佢又話做記錄，
咁我就答佢我小姓"交"嫁;P 。佢就冇出聲幾秒:D ，
咁我即刻收線XD

小瑟

哈哈, lopo兄對呢d電話既反應都幾鬼馬架喎~~~;P ;P ;P

lolopopo

原帖由 小瑟 於 2008-7-12 10:04 發表
哈哈, lopo兄對呢d電話既反應都幾鬼馬架喎~~~;P ;P ;P

多謝你讚賞:lol

1942

問一題問題就想攞個人資料,低庄.

AW2

原帖由 1942 於 2008-7-12 23:27 發表
問一題問題就想攞個人資料,低庄.

佢呢D渡假村會籍公司淨係想知個目標夠唔夠錢買個會籍.

AW2

原帖由 lolopopo 於 2008-7-12 09:42 發表
依個電話號碼我都見過，但打去就長響:L
我都有類似電話，不過我話唔答，
收線後又再打來，點都叫我答，我就亂答。
最後就例牌問貴姓，我話唔答，佢又話做記錄，
咁我就答佢我小姓"交"嫁;P 。佢就冇出聲幾秒:D ，
咁我即刻收線XD ...

呵呵~ 好!下次我又玩下話自己姓"勤kee", 等佢無言先~;P

魚腮人

下次你同佢講：「你係咪有船飛現金卷送返畀我呀？唔好咁麻煩要你打多次畀我o勒，不如你依家順便約埋時間啦！」

AW2

原帖由 魚腮人 於 2008-7-13 10:25 發表
下次你同佢講：「你係咪有船飛現金卷送返畀我呀？唔好咁麻煩要你打多次畀我o勒，不如你依家順便約埋時間啦！」

呵呵~ 而家就算你上到去坐左五個鐘都唔買會籍, 佢地都唔會俾D船飛你.XD

knight

我次次聽到[調查]都即收線