給老馮的信(好長篇的)

阿定

其實，啲人並非唔明白「自食其力」呢個道理
只係佢地選擇將呢個原則拋諸腦後而已

有啲人只會諗，政府既錢 ...
Raphael 發表於 2011-3-15 08:37

   
唉，派晒d錢後，終有一日都係再問納稅人要番，唔駛比稅的，當然袋袋平安，要比稅的，努力吧，全民退休保障仲神奇，我連我家的老人家都未照顧得好，點解要係我的收入抽走去補貼人地的老人家，而唔比我直接補貼比我家中的老人！

Raphael

突然諗起, 有啲人好鍾意將一番說話掛喺口邊:
"你以為我寧願收入少? 如果有得揀, 我夠想收入高, 有資格交稅! 你咁唔喜歡的話, 不如同我調轉吖?"
個人而言, 只要對方有手有腳, 唔係弱智或精神有問題的話, 小弟就好想問對方:
點解你唔學好一門技能? 如果搵唔到錢, 點解你唔提昇你既技能, 又或者再學其他?

想同大家分享一件事....
有一位老人家, 無乜讀過書, 身裁矮小, 而且年幼時同父母失散, 無人照顧
自從戰後, 佢一直做地盤工作, 做咗五十幾年, 一手養大六個仔女, 兼且供其中四個讀到大專 (當年無咁多大學)
差不多到六十歲時, 佢知道自己體力已不足應付擔擔抬抬既工作; 於是佢就努力考取認證 (法例規定某啲工程, 必需要有具備認證既工程人員"監場")
佢同樓主文中既父親一樣, 唔肯俾仔女養; 即使佢六十五歲之後, 依然年年申請繼續工作, 直到七十歲無得再拖, 先至勉強地退休
佢呢位地盤工人, 薪金高過唔少所謂"大學生" (包括小弟.... ); 退休後, 佢依然幫佢老闆教導新人, 繼續自食其力, 直到今日

讀過書兼有手有腳既"年輕人"..... 高叫要"爭取"乜乜物物之前, 搞清楚何謂"爭取"未?
反而一個無乜讀過書既阿伯, 更懂得呢兩個字既意思...... 奇怪哉乎?

horace_tsang

這問題其實頗複雜，但其實離不開人類自私劣根性。

1.        大財團欺壓打工仔，年年賺大錢，政府推最低工資都千方百計諗縮數。
2.        老細俾7,000伙記已經可能要乜都識，乜都做。
3.        當你服務超過20年，人工有番咁上下，就搵個小伙子頂替你，跟手炒你。
4.        唔計個別例子，而家碩士搵工都難，更少升職機會。
5.        社會風氣日差，代母產子，笑貧不笑娼比比比皆是。
6.        濫用投訢機制，有著數可以無限上綱。
7.        因財失義，父母兒女無情講，大家族都咁話。
8.        立法會都變鬧劇，小朋友點會唔有樣學樣。
9. …………………………..
10. …………………………..
11. …………………………..
12. …………………………..
13. …………………………..

重有好多問題，香港已不復當年太平盛世。

qqsnk

Good passage!!!

ADA

這問題其實頗複雜，但其實離不開人類自私劣根性。

1.        大財團欺壓打工仔，年年賺大錢，政府推最低工資都千 ...
horace_tsang 發表於 2011-3-15 12:45

歸根究底, 所有問題的根源就係香港這個無能政府政策下的副產品.