[已解決]邊有D咁奇怪o既事? 有人放o左錢o係我信用卡戶口...

eva0083hk

話說好多人有時上網買o野都會多入1-2件, 然後放比其他ching.

今日我竟然收到amazon us個mail, 話已經收到我一件退貨, 好快就會安排refund退錢...   
我睇返order number, 知道係一部kindle3電子書閱讀器, 但一早已放o左比人...

頭先開完會又收多個amazon us mail, 話已經退返錢去我信用卡戶口...

但我已經完全忘記究竟邊個買o左我呢部kindle3, 咁D錢點算呀? 人海茫茫我去邊搵得返個買家...

(個買家識要amazon refund, 但又唔知點收錢, 希望個傻佬會主動contact我啦... )

kalok6

你係呢度放架?!?!

KING

係我呀!你咪賣左比我law,快d入番d錢過黎比我啦!哈哈!

eva0083hk

你係呢度放架?!?!
kalok6 發表於 2011-2-25 16:37

雖然唔係好肯定喇...
但應該係"你想.com", 希望物主會聯絡我啦!

Netmans

網購外洩信用卡資料 一蚊黨盜卡猖狂 Entropay 過數


網購外洩資料　一蚊黨盜卡猖狂
2011年02月17日
Next Mag #1093
2/17/2011

網上購物普及，近期湧現「一蚊黨」犯案。

投訴（ 1）

互聯網日益方便，據最新調查顯示，近一半港人有網上購物習慣。惟網上騙案也同時增加，警方去年接獲六百多宗舉報，颷升近五成半。

本刊接到讀者投訴，指近期湧現「一蚊黨」犯罪組織，他們盜取信用卡資料後，會先碌一蚊闖關，成功得手後同日便再作大額盜款。

個案一：古怪$1交易
潘先生為足球迷，長期幫襯一間國際網站（ http://www.kitbagasia.com）買球衣，去年底，他碌大新卡上網購物七百元。

上月，他收到大新的月結單，赫然發現三宗古怪交易，首先是被一間澳洲首飾網站過數一元澳幣，同日內再被一個類似 PayPal的電子付款交易平台 Entropay，扣取了五百多美元，翌日首飾網站又退回一元澳幣。「我都無喺呢啲網站買過嘢，點會有呢筆海外簽賬呢？」他懷疑網購時，信用卡資料外洩被人盜用。

他才回想起於去年底，收到滙豐的來電，「職員問我有無碌過一蚊澳元，我話無。」滙豐懷疑潘先生的信用卡被人盜用，為了穩陣，出了一張新卡給他。「我本身用開滙豐卡網上買嘢，但舊卡取消咗，新卡又未到，先改用大新卡，估唔到出事。」其後他要求大新查數，大新雖謂會調查，但潘先生仍需先找了這筆海外簽賬，否則便要罰息，潘先生無奈繳款。

潘先生碌大新卡上網購物出事，但大新仍要求他繳付該筆款項。（林志謙攝）

潘先生的月結單顯示被 Entropay過數五百多美元，但過數前後，出現了澳幣一蚊的古怪交易。（林志謙攝）

Clothings Fashion

個案二：首次網購已被盜用

楊小姐第一次上網幫襯華潤購物，意想不到信用卡資料被人盜用。（于港民攝）

楊小姐第一次網上購物，便踩地雷。去年十月中，她以大新卡，到華潤旗下的購物網萬家摩爾（ http://www.crvmore.com）購買水壺套裝。

自該次網上購物後，她便再沒用大新卡。一月份她收到月結單，同樣也被 Entropay過數五百多美元；但過數前後，皆被一間澳洲慈善機構碌了一元澳幣，接着又是被退回。她認定是在華潤網站購物時出事，遂致電對方投訴，「職員承認收到好多呢類個案，信用卡喺佢哋網站買嘢後便俾人盜用，但否認責任。」她再向大新反映，對方同意凍結戶口，惜調查數週仍未有回覆。

跟進： Entropay容易下手

eBay旗下的付款交易平台 PayPal，在買賣雙方銀行戶口扣起金額，讓雙方毋須披露信用卡情況下作交易，個人資料較受保障。

香港生產力促進局屬下的電腦保安事故協調中心經理古煒德認為，信用卡資料被盜，最常見是在網上購物時洩露了資料。他續指犯罪分子揀了 Entropay落手，是 Entropay毋須卡主確認授權，便可直接過數，且沒法定機構監管。「 Entropay是付款交易平台，不法分子將偷番嚟嘅信用卡喺 Entropay登記，再過數至另一賬戶，賬單亦唔會顯示過數了俾邊個，普通人難以追查。」

專家話：借有信譽公司過橋

梁偉業指犯罪分子以$1測試盜取回來的信用卡戶口資料。（廖健昌攝）

香港科技教育學會會長梁偉業估計，犯罪分子利用有信譽的商鋪網站過橋，來測試偷回來的信用卡資料，以避開銀行視線，「佢試吓過數一蚊，發現卡號碼驗證得到，咪繼續過你一筆大嘅銀碼。若一下子碌大筆數，試錯卡號會被銀行知道佢嘅玩法，有啲銀行會設安全警告，通知卡主。」

至於事主賬單顯示澳洲公司後來退回一蚊的行為，梁偉業相信是商鋪真正核數時，發現交易有問題，於是自行退款。

本刊聯絡該兩間澳洲機構，但截稿前未有回覆。

梁偉業指這犯罪手法雖新，但銀行亦可追溯源頭，他認為大新處理數星期仍未有結果不可接受，「只要發卡銀行聯絡 Entropay，要求出示交易紀錄，睇吓俾邊個取走呢筆錢，就可證實係咪有授權。」

記者向部分銀行的信用卡職員查詢，他們異口同聲表示見過類似個案，其中滙豐職員對一蚊黨騙案耳熟能詳，承認收過不少類似個案，發現的話會致電卡主確認交易是否屬實。

回應：立刻退款
本刊將楊小姐及潘先生的投訴轉介至大新，大新回覆作初步調查後，已發現海外簽賬非由客人授權，並退回款項予兩個事主的戶口。 （廖慧英）

網購自保招數
1.以自己的電腦作購物，並常更新防毒程式
2.選用保安系統較嚴的信用卡，如滙豐及恒生
3.申請一張獨立、信用額低的信用卡專作網購之用
4.滙豐、恒生及中銀設網上購物卡，信用額自行設定，可由$1至$3,000
5.登記多重認證服務，例如 VISA認證，付款時需鍵入個人密碼

註：資料綜合自古煒德及互聯網專業協會副會長洪文正

壹判官
網上騙案手法層出不窮，銀行應加強把關，保障卡主。
劣劣劣（五個劣為最嚴重）

wifier

遲早會扣番放心!!!

pikeman

cut 左張card

eva0083hk

我宜家唔係比人扣數, 而係有錢入呢!
同埋係amazon入比我, 相信唔會係古惑o野, 好明顯係有人退返一件我之前買o既貨品, 我只係奇怪退o個個人點解諗唔到D錢會入返落我戶口囉! 唔通佢以為比個mail通知amazon, 寄返件貨去美國, 就會自己戶口有錢收?

wifier

how,s yr status now?

leung3412

哈哈..無事既