支持/反對香煙加價

阿定

買唔起行貨，就犯法買水貨，呢d咩道理？ 而且行貨加，水貨唔通仲照舊價賣咩，我自已就唔吸煙的，但身邊好多人都吸，有d 人一齊食飯，自己食完(甚至未食完)就開始係咁扯，熟的，我就話出聲小佢，唔太熟的，小佢又好似好小氣，唔小佢就成餐飯係度食二手煙，所以食市禁煙，真係解決左好多不必要的爭執，如果再進一步，唔比人邊行邊食煙，同埋排緊隊唔可以食煙，咁就完美啦，唔駛再比人燒爛件千幾銀的T-shirt，亦唔怕小朋友比人用煙頭燒親眼仔，安全得多！

kalok6

政府指加煙稅只屬控煙其中一環
(商台)2011年2月23日 星期三 13:36
財政司    長曾俊華    ，提出將每支香煙的煙草稅調高五角，即增加百分之四十一點五，並按同等比例，提高其他煙草產品的稅率，調整即日生效。政府消息人士說，希望加煙草稅對控煙有幫助，預料煙稅將佔整包香煙價格六至七成，強調加煙稅只是控煙的其中一環。消息人士又說，進行了兩次調查，認為加稅後，整體吸煙量由每日33支，減至28支，而15至29歲的煙民人數比例，會由8.9%減至8%。

煙草業聯會行政秘書章健華，對加幅感到震驚及遺憾，預計會令煙草商，收入下跌超過三成。他指政府在兩年前加稅百分之五十後，吸煙人口並無大幅減少，反而多了人食私煙。全港報販大聯盟主席廖社青就指，賣煙佔報攤收入三分之一，估計有兩成報    攤，會受加稅影響而結業。

轉載於yahoo

阿定

對煙草商來講，如果佢地講的野係真，吸煙人口無大幅減少，咁買私煙同買香港煙，對佢地來講，收入唔會有咩大改變，唯一改變係香港區收少左，第二度收多左，條數係番度

報紙檔就仲神奇，一開始就係靠賣報紙雜誌為主的吧，唔賣煙可以賣汽水的吧

RiceR9

回復 21# 阿定


    希望盡快實行啦....等左好耐立法會都無人題出
明明朝早空氣好清新....行行下前面一陣煙吹埋黎...攪到個個都要避開
唔好再咁自私啦....你一個人開心...攪到好多人唔開心!!
果d人成日話轉買私煙....想要死快d都無計架
為人為已...唔好再吸啦

raymond430

可唔食煙,基本上都唔太反對別人吸煙,但有些人吸煙真係無咩公德.....亂"鄧"煙灰,亂拋煙頭,甚至有d揸住支點著嘅煙行,好易整到人!

kalok6

可唔食煙,基本上都唔太反對別人吸煙,但有些人吸煙真係無咩公德.....亂"鄧"煙灰,亂拋煙頭,甚至有d揸住支點著 ...
raymond430 發表於 2011-2-23 15:23

我親眼見過有條友辣中小朋友塊面......個阿媽喊到收唔到聲

stanleykc13

食煙唔係問題，但係唔好比小弟(以及其他一眾非煙民)吸到二手或多手煙就得
次次去親旺角一定吸唔少，鬼咁唔舒服
仲有d人明明拖住細路仔出街都夠膽係佢前面"吞雲吐霧"......最憎呢d人

civiclau

既然大家都話我地D煙民食煙害大家害得咁慘,就應該支援香港禁煙而非加煙稅,加煙稅而不禁煙,只比我們覺得你地係明搶而非有心幫人戒煙!!
在我來講,我真係食又得唔食得,我可以幾個月都唔會食一支,好可能我明日就去買一包都得,講真你加到50蚊我都冇影響,我要食100蚊我一樣食,我要唔食...你10蚊包我一樣唔會食,至於現在比我既感覺係....點解唔禁煙,禁左就冇煩惱~

kalok6

既然大家都話我地D煙民食煙害大家害得咁慘,就應該支援香港禁煙而非加煙稅,加煙稅而不禁煙,只比我們覺得你地 ...
civiclau 發表於 2011-2-23 16:21

社會應該未接受到禁煙...........
其實如果唔好邊行邊食.......我覺得食煙係個人問題,無話岩唔岩....
但我唔食既.......無理由成日食人地既二手煙.......

阿定

既然大家都話我地D煙民食煙害大家害得咁慘,就應該支援香港禁煙而非加煙稅,加煙稅而不禁煙,只比我們覺得你地 ...
civiclau 發表於 2011-2-23 16:21

加煙稅係控煙的一個方法，事實上好多人係會因為價錢貴而食少左，起碼我身邊都有唔少人因為上次加50%煙稅時，食少左，當然，加稅呢個方法唔係對所有人都有用，因為總有人唔理法律的阻攔，買私煙，亦有人唔睇錢，要食的話，500蚊包都一樣一日食三包

禁煙唔係一件易事，香港係民主社會，雖然大家唔覺好民主，但事實係所有議員/政黨都要靠大家投票才能生存，得罪煙民對佢地來講絕對無好處，香港未有議員會為公義，為真理而放棄自己政治前途，這就是民主社會的其中一面啦！