|
|
樓主 |
發表於 2011-2-22 16:42
|
顯示全部樓層
初部包膠
小弟第一次用2.0聽歌,所以好難比較同好難好似其他師兄咁去形容,大家盡量意會下啦......
呢幾日每晚play 試音王2010, U87 5週年 24K版同林一歌林二唱. 我覺得同以前聽歌好唔同. 以前聽歌只係好大約咁播首歌出來, 聽既野少好多好多. 而家係會令我放低手頭上既工作, 合埋對眼去感受, 聽下唔同樂器既定位(因為而家聽得出,所以會留意), 聽下歌手唱既感情(因為能清楚聽到尾音, 但係無口水聲)同技巧, 情況就同我之前買左對w1來出街聽歌一樣,但今次既感受深好多好多. 以前有時會覺得淨音樂(即classical同無人唱既jazz)會悶, 但用呢部8200CD就唔同晒, 係會俾佢感染到,令我投入係首歌入面. 我聽歌既環境係睡房, 可能因為咁而令到空間感不大(俾D床同窗簾吸音.因為我請過我朋友上來聽,佢一聽完一首歌,就叫我拉開個窗簾再播一次,個音場即時濶左,把聲清晰左,呢樣亦係令我更鐘意玩既原因), 無好似係影音舖聽既時候咁強既臨場感覺 (咁緊係啦, 人地個amp係MF M6i同用對座地喇叭播,tp60同s520邊度有得比). 簡單來講, 即係我感覺唔到個音場能夠包實我, 可能同s520低頻不足有關.
小結: 人聲清晰, 音樂感染力強, 音場濶, 但包圍感和低頻略嫌不足. (以小弟閱post既經驗,大概用返呢D詞語來形容下, 未必準確......)
我亦稍為試過用notebook經usb入8200CD, play WAVE檔再upsample個感覺好好, 音場好濶, 感覺好似比play cd還要好, 但未認真細聽,遲下再包膠
其實以咁既budget砌呢一套2.0我好滿意, 我講唔出係邊一個(8200cd, tp60定係s520)既功勞,但佢地合作既表現令我好滿意.
P.S. 我試過AB過條大陸秋葉原同chord carnival silverscreen, 我聽唔出有咩分別 (唔同我真係咁木耳!?), 可能係同未run-in好有關, 又或者套野太cheap, 大家不妨以幾十蚊買條返來test下再話俾小弟聽, 謝謝...... |
|
[複製鏈接]
發表於 2011-2-20 16:25
