比较少人收的铁

wch409

jack兄真係苦口婆心
但可能只係對牛彈琴
若不明白根本問題所在，你講咩都只是徒然 ...
sutter 發表於 2011-2-14 09:06

    對牛彈琴呢個形容得十分貼切

SonSon

回復 33# HD_Newbie

HD兄，依家大家主要討論既係閣下係科林上之發表既言論帶有挑釁性及不尊重其他版友（其實之前曾已ＰＭ告之希望閣下留意）。 唔係討論睇戲多與少，是否真正戲迷，究竟識唔識睇戲等，閣下是否有所誤會？我絕對明白每個人有言論自由，如果閣下理性討論，顧及他人感受，好歡迎閣下繼續參與。其實科林帖文唔係太過火位，各位版主都唔想吓吓引用版規封殺，但當某Ｄ帖文會嚴重引起當時人不滿或會破壞科林一直維持之和諧氣氛，只好手起刀落。

其實以閣下對電影既知識，絕對可幫助大家提高對電影既興趣，包括小弟呢Ｄ膚淺到只睇商業娛樂片既人。一個科林既成功，唔係單靠個別版主或版友可持續，而係要大家不斷互相取長補短，知識分享，由新手變老手再協助新手，由小圈子不斷擴大而成。要講既都講晒，希望閣下明白，如果閣下認為小弟有得罪之處，請見諒。

magna

我無咩嘢收藏品但亦會欣賞也人既愛好,真係自己唔鍾意咪唔去睇囉,無謂去話人地吧.始終每人都有佢既興趣與觀感,實無必要將自己唔鍾意或無價值既想發放諸他人.

tzyblueangle

所謂“己所不欲，勿施於人”就是這個道理

小瑟

呢位仁兄如果有留意佢嘅reply  .....多數負面...句句頂到行
小龍 發表於 2011-2-12 21:52

係囉, 我覺得好攪笑, 套套戲都唔洗買, 點解佢仲要睇呢個版既??? 奇~?~?~?

小瑟

各位，我係後輩咋，我收藏的 DVD 不足 90個
藍光不足20個。我是電影迷不是收藏家。如果要我每睇一部戲就要 ...
HD_Newbie 發表於 2011-2-13 09:32

師兄, 電影版會岩你, 呢版我諗同你既興趣其實係冇關的!!!!

jack331

jack兄真係苦口婆心
但可能只係對牛彈琴
若不明白根本問題所在，你講咩都只是徒然 ...
sutter 發表於 2011-2-14 09:06

    haha, 個人本身係咁無計, 睇下有無得救!!
不過SonSon兄已經講到好白, 無野可以補充!!

鐵心心

E度係BD區....其實)唔講BD真係唔知講咩

我都認同HD_Newbie你其中的意見
"城城"夠多跑車,但唔代表佢識得渣得好叻

不過E度係BD區，HD_Newbie兄都係唔好係唔同場合做唔適當既事(現在好似入左間高級餐廳度除地吐譚)

阿定

我一直都是心平氣和地講道理，從來無激動。更加無反抗。
我都有收鐵盒，多數都會儘快放。
以前 Inte ...
HD_Newbie 發表於 2011-2-14 02:00

   
你講的野，我好認同，但唯一問題就係去錯地方發表意見，BD區的人喜歡儲碟，係好合理，好正常的，而且好多人收藏呢個動作才是重點，好唔好睇已經唔係重點，只要能力負擔得到，又有咩所謂，而且人係貪心的，有鐵盒，當然收鐵盒，比個例子大家，就當你係一個DENON迷，家中只有200尺空間，今日Post76 Lucky Draw抽中你，禮物係Onkyo送出的音響組合，仲可以自己揀任何一部Onkyo AMP ，再送任何牌子SPEAKER 11隻，SUB仔兩隻，五年內唔比賣，會有專人上你家check住
你會唔會因為你係DENON迷話唔要呢個禮物？
你會唔會因為你家只有200尺玩音響，揀入門級設備？
這個世界沒有人是不貪心而且永遠理智的，如果每個人都理智消費，全球經濟就低迷得大家都要失業了

至於何為電影專家？ 我有上過電影堂，我好明白有好多拍攝手法係要用欣賞二字來型容，調色等等亦好有技巧，咩時候用咩鏡，咩時候用咩角度，好多野可以用來分析，但對不起，我懂得分析與否，對我來說，無關重要，只係知識的一種而己，絕大部份的戲，我只係想開開心心娛樂一下，唔係要學拍戲，無需要理解成商業戲唔值得睇，什麼戲才值得睇，然後進化到咩戲才值得儲，說得簡單點，我喜歡這套戲或主角，就已經係儲碟的理由了

而論壇分享，係咪得幾個人才會回，跟本唔重要，無回唔代表無人睇，無人喜歡，而且買番來分享本身已經係一件好快樂的事，就算無人欣賞，分享呢個動作已經夠自我滿足，何況現實真係有人回，難得呢個世上有人同自己對儲碟的價值觀係一樣，又或者得到別人認同，為什物要向著"來來去去都是那幾位"的方向想，而不換一個角度，"係Post76終於找到志同道合的好友" 來想呢！

天涯波客

我同老坑兄系好朋友，之前，佢亦系搞电影论坛，相信，佢睇既电影唔会俾任何人少。

奉劝一句，做人唔好太井底之蛙。。。