[高清討論] 創富坊移動字幕爛字問題

名偵探柯南

尋日去睇睇 d 高清 LCD，舖頭剛剛放影 HD-TVB 的創富坊，一睇打橫移動果行字全部爛晒睇唔清。另外七劍下天山亦殘影不絕，唔知你地用緊o既 LCD TV 係咪都係咁架？
不過網上有人話 JVC 的 GZ78 係無呢個問題o既，不過當時無呢部機 display，無得比較.......:L :L

[ 本帖最後由 名偵探柯南 於 2008-6-3 09:19 編輯 ]

阿定

係 stb 的問題

跟據電腦用家用高清手指的報告，創富坊的字幕，係唔同的軟件用唔同的setting上會有唔同的爛字效果，所以好明顯應該係軟件問題，揀個好d的 stb 就應該無問題了！

殘影可能分得太多吧...

Terence

原帖由 阿定 於 2008-6-3 09:36 AM 發表
係 stb 的問題

跟據電腦用家用高清手指的報告，創富坊的字幕，係唔同的軟件用唔同的setting上會有唔同的爛字效果...

吓？即係冇一部STB可以出到完美冇爛字效果咁大鑊？

小瑟

我未有係下午時間係屋企睇過創富方呢!!!!:Q :Q :Q

阿定

原帖由 Terence 於 2008-6-3 11:29 發表

吓？即係冇一部STB可以出到完美冇爛字效果咁大鑊？18609 18610 18611

其實又唔算係爛字，係d字飛得太快，畫面跟本跟唔到，如果用電腦CAP SCREEN，你會見d字到好清楚，無問題的，但人眼跟本好難跟得上創富坊d字，佢飛咁快就無左，如果你電腦用高階Display+反應快的LCD，應該會好好多，唔同的software同唔同的stb都會用唔同的字體或字型，出來的效果當然會有好有唔好了

P.S.: 如果柯南兄真係講緊爛晒果隻爛，咁我應該離題了...

名偵探柯南

原帖由 阿定 於 2008-6-3 12:51 發表


其實又唔算係爛字，係d字飛得太快，畫面跟本跟唔到，如果用電腦CAP SCREEN，你會見d字到好清楚，無問題的，但人眼跟本好難跟得上創富坊d字，佢飛咁快就無左，如果你電腦用高階Display+反應快的LCD，應該會好好多，唔同的software同唔同 ...

就正正係你講果隻，D 字飛得太快，畫面跟唔到.............
如果 Bravis 配 MTV3000 效果會點呢？

阿定

我自己用 MTV3000 + Sharp GX3 46"，d 字都叫睇到，用心d睇，畫面係跟到的，但隻眼跟得好辛苦，但我用我部腦接高清手指睇，無論用TM3.5還是DVBViewer，都快到睇唔到，畫面跟唔上，不過我估果Mon大細其實才是重點，大d易睇d都唔奇

最後，我個人認為呢個係"創富坊"的問題，人地 bloomberg 果d都無佢咁快，所以唔駛點理佢，最緊要睇正常電視節目無問題就得啦！

名偵探柯南

不過屋企人會睇呢類財經節目，如果 D 字爛晒肯定有排嘈 :L :L

阿定

咁就真係幾煩，你有機會試下睇Plasma吧，我估LCD電視點都無法做得好呢part的了，再唔係捉你屋企人去試stb，得佢地決定，你自己揀番心水的LCD就算，正常人的視力，反應時間有8ns已經好夠，電腦用果d LCD可以做到2-4ns，但家用LCD的，一般最盡都係8ns，你買部8ns或以下的已經叫完成任務，如果真係怕創富坊d字，我估MTV3000係你唯一的choice了，佢粒晶片 upscale 能力真係做到野，SONY高階 DVD 機都係用同一粒chips，我自己就好滿意啦，我係賣左果舊STB，留MTV3000係身的，所以都叫有比較過！

小瑟

呢個我覺得係個節目問題, 太快睇唔急呢~~~~