未發生先擔心..........

marcolau

我老豆已經80幾喇，身體唔係好差，而且比一般老人家更行得走得。
不過自上年入過醫院後，身體差左，但都冇咩特別，只係比平時訓多左而已。
但即使行得走得，佢年幾咁大，我地已經有心理準備喇。

上星期佢又入左醫院，留左一晚就出院喇，個醫生冇開藥比佢，只係話佢血壓低，血糖抵,總之咩都抵。
將平時D藥減左就算喇，出院後行路就開始似翻個亞伯.......

不過我尋晚翻到去見到佢又龍精虎猛，亞媽話佢成日好似患左「過度活躍証」咁，成日周身陏坐唔定。
我已經心知不妙，不過我同亞媽講，可能同D藥有關啫。

今日亞媽打比我同我講，佢話亞爸可能就唔得喇，我真係不禁喊左出黎。

我諗大家都知咩係「回光反照」，科學上係話，當一個人去到最後果段日子，身體就會將剩餘嘅能量發放晒出黎。
所以我見到佢忽然後生晒，雖然心中有數，但都唔想面對，
之不過亞媽咁同我講，我諗所有家人都應該要去面對......


其實大家都知我上排唔係咁開心，連模型都唔砌....
原因係因為我舊女友同我講有左我仔，已經五歲，所以我同而加個女友發生左好大問題。
不過我唔想同人講，男人就係咁，總喜歡自己解決問題，所以我身邊嘅朋友亦唔會太多人知。
而我亦只同我亞媽講，不過我老豆太想抱"宣"，我唔想因此而影響我地之間，所以我冇同老豆講。
亞媽今日打比我就係問我好唔好同佢講，因為佢唔等得太耐，所以我都只好比佢知。
我諗有一日我都要比佢見吓我個仔，不過，可能我而加個女友唔會再同我一齊喇..........

[ 本帖最後由 marcolau 於 2008-5-31 01:41 編輯 ]

ssss41357

對於前半部份黎講,我絕對明白你既心情,因為我都經歷過,但成件事在07年已經畫上句號~

而你後半部份既事,我覺得呢件應該係你同你現任女友一齊去面對既事,唔係你一個人去解決的,除非:

1. 你仲想同番舊女友一齊.
2. 你同現任女友感情仍未深.
3. 你現任女友已經表左態,say no.

我既睇法係,舊女友同你有個五歲仔係一件事,但你同你現任女友之間既感情又係另一件事~


~~~~~~~~~~~~~~~

我頭先睇完你個post時,腦裡面不停咁播左首歌......明年今日......

marcolau

原帖由 ssss41357 於 2008-5-31 02:15 發表
對於前半部份黎講,我絕對明白你既心情,因為我都經歷過,但成件事在07年已經畫上句號~

而你後半部份既事,我覺得呢件應該係你同你現任女友一齊去面對既事,唔係你一個人去解決的,除非:

1. 你仲想同番舊女友一齊.
2.  ...

唉....家家有本難念的經啦......
好多野都好似電影咁，我都唔相信會發生在我身上...
今次呢件事我只可以講，有時唔係一定可以從心去解決一件事。
舊女友同我講，個仔未見過我，但佢話好掛住爸爸，我果刻個心真係實晒。
但見到我女友好無奈無助，我亦好傷心。
不過我諗好快我都要做一個決定，兩個只能傷一個..但事情又係唔係真係咁簡單呢??

ssss41357

咁你覺得你舊女友點解忽然搵你仲講番呢件事比你知,點解五年前唔講???

marcolau

原帖由 ssss41357 於 2008-5-31 02:34 發表
咁你覺得你舊女友點解忽然搵你仲講番呢件事比你知,點解五年前唔講???

一言難盡啦，總之係「向左走，向又走」咁........

大佬John

以為你只係搵工. 原來有咁複習既事..

marcolau

原帖由 大佬John 於 2008-5-31 02:41 發表
以為你只係搵工. 原來有咁複習既事..

搵工都係其一，
因為做左爸爸就唔可以成日人做埋D搵求其過日嘅工....

LAWSON

我今年三個月內死左兩個親人.身同感受
自已過下十年過下十年
再睇下d長輩,佢地重有幾多個十年.......
死亡同我越來越接近

JonesChan

嘩.....做咩咁大獲呀??
如果我係你,我會用晒所有時間去好好陪佢老人家,同滿足佢所有既要求!!!
而你以上既第二件事!!!一定要處理得好好睇睇......因為宜家唔係3個人既事~~~~
宜家仲要係多左個小朋友....唉~~~~我都唔識講呀!!!總之一定要好好處理啦!!!

希望你可以順利解決所有問題,同你身邊既人都健健康康啦!!!:kiss: :kiss: :kiss:

小瑟

原來 macro兄發生左咁多事, 真係家家有本難念的經呢, 生老病死係人生必經, 希望最好就多D返去睇佢地, 返去食多D飯, 多多陪下佢二老, 大吉利是果日真係出現, 你要好好咁安慰你媽媽, 佢一定係好傷心呢!!! 自己個仔既支持好緊要~~Smilies018

至於你原來有個仔仔呢單野, 雖然真係好似做戲咁發生左, 不過我都希望你可以好好咁同你女友傾下, 事關你仲愛佢麻, 而你又跟本唔知有件咁既事.....都唔係你既錯呀. 我覺得你可以先真正同你依家女友講出你既感受, 你仲想唔想同佢一齊, 事關呢個時間女人都係會覺得你同你舊女友先係一家三口, 而佢係變左外人, 所以佢會好不自主地經過好似想分手咁既感覺, 如果你都唔係話想同之前果個一齊返既, 我覺得你要同二方面都交代清楚.

希望你可以慢慢解決呢D感情問題呀!!!! 祝你好運&保重身體!!!!:handshake