|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
放工趕返去上堂...以下既野, 真係瀝瀝在目
搭601, 人好多, 我迫住企車門果位...
架車去到燈位, o岩o岩轉黃燈, 架巴士放一放油, 但係都係決定衝過去, 司機再俾油, 過燈位時已經係紅燈
跟住..架車o岩o岩再加速, 班馬線就有個阿伯行出黎, 司機都諗住會撞到, 我就諗緊希望阿伯見到會縮返入去..但係佢個頭望另外一邊. 個司機冇響安. 只係個口叫左兩聲"哎o也哎o也"...
跟住好似慢動作咁, 我就眼白白睇到架車既左邊撞落左阿伯個頭度, "o菐"一聲既空盪聲. 因為我企車門, 個畫面同聲音都好近, 仲見住個阿伯身影o係車門略過......
架車經過左幾米. 之後司機勁驚, 但係又踩多次油...之後先再停車, 坐左幾秒, D乘客話個阿伯依家訓左o係度, 佢開門去睇, 佢一落車就有把好有中氣既聲鬧佢, "有冇搞錯,撞到人仲行左去" 個阿伯自己起身, 眼角爆晒係咁噴血, D途人就扯住個司機唔放過佢, 係咁鬧. 個司機就解釋再踩油係想放返直架車... .蔗姑車好快到左, 有警車. 我之後落左車最近果個站搭另一架車. . .呢下笨左. 因為如果唔落車, 可能會有免費轉車.. 依家要自己俾多次錢, 冇計因為趕上堂
因為我企車門, 真係好近咁見佢撞, 感覺好似用自己個頭撞阿伯個頭一樣咁震憾. . 如果佢果時行多一步就會入左車底...我又一定會上唔到堂..
呢張係我上左另一架車再影返出事既車
講開巴士. 呢排搭返工, 會睇到Hotcha 既了了 MV. 勁正呀熱褲短裙, 三個囡囡六件pat勁扭勁扭, 平時熱天公司K小同Bobo女就係咁著架喇! 你話我返工正唔正 (1分22秒Smilies011Smilies011 )
[youtube]fXa7PakNoj8[/youtube]
[ 本帖最後由 大佬John 於 2008-5-30 22:41 編輯 ] |
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2008-5-30 22:35
發表於 2008-5-30 23:10
