「報應」言論被狠批無人性 莎朗惹公憤 新片遭換角

小瑟

(星島日報    報道)四川    大地震的災區仍未完全脫離災難陰霾，世界各地熱心人士紛紛向災區伸出援手，然而身為國際知名影星的莎朗史東早前在康城電影節，竟語帶譏諷吐出四川大地震屬報應的冷血言論，即時引起全球公憤，更有人批評她無人性。連荷里活方面亦對莎朗的報應言論反感，原定由她演出的新片《Mermaid Island》（暫譯《人魚帝國》）寧願延期開拍也要臨陣換角。文：Shari

　　口出狂言的莎朗史東今次報應報在自己身上，日前她在康城被本港有線電視    問及四川發生大地震時，狠批中國對待其西藏    好友達賴喇嘛    不善，招致今次大地震實屬報應，當場令人咋舌，隨即激怒全球華人，更連其他各國的人民都對她非常不滿，在網上群起斥責她。

　　由於掀起全球不滿情緒，莎朗史東有份演出的荷里活魔幻特技片《人魚帝國》的片商，日前在康城預售活動上表示因莎朗的言論有違基本道德，故該片決定換角。片商對此表示遺憾但亦須尊重人性，以及中國人的感情，惟有延期開拍另覓演員。據知，莎朗原定在片中飾演巫婆一角，與片商已洽談了一個月，並即將簽約，如今臨門一腳卻遭易角。

　　代言品牌Dior深感遺憾

　　網民連日來不斷抨擊莎朗，成為公敵的她更被代言的品牌Dior發表聲明，指不認同莎朗史東對四川地震的言論，對此深表遺憾。而美聯社方面亦就莎朗今次的惡性言論，向北京    外交部詢問回應，不過北京外交部卻表示不作回應。

　　香港娛樂圈眾星連日來就莎朗的報應言論亦作出斥責，劉浩龍    接受有線    訪問時直斥莎朗所言很錯，反問對方是否癲了。

　　劉德華    回應指不需理會莎朗所言，因對方既不是中國人亦不是黃皮膚。鄭秀文    則表示不相信莎朗所指的報應，因為基督徙不信因果。

　　而譚詠麟    回應莎朗史東事件時坦言，全世界無可能同一觀點，不知道莎朗的尺度去到哪裏，只要中國人知道做甚麼就毋須理會其他人所講。

　　台灣    傳媒為莎朗呼冤

　　不過，大部分人斥責莎朗的地震報應論，但同時亦有影迷撐她，在網上指她接受訪問時所講是無可厚非。有台灣傳媒亦為莎朗護航，指香港傳媒曲解了她所說的「Karma」之意，表示梵文「Karma」一詞在佛家語中解作「業」，意思可表達善或惡，亦可譯成因果循環。

　　台灣的報道又指莎朗當時在訪問中，也提及四川地震對她而言是很大教訓，即使別人對自己不友善，也要學習低頭去侍奉對方，她表示收到台灣西藏宗教基金會的信，知道藏人願意到四川救災而哭起來。

ssss41357

奇就奇在咁都有人撐佢~ Smilies015

LAWSON

究竟會唔會d翻譯真係有問題呢.事關好多人都好在意"報應"呢兩個字.
因為一講到報應就好似話抵死咁.
台灣班就好似就係拗緊果隻字點解.
當然佢將兩樣野拉埋尼講係有d問題,不過係咁真係衰得咁緊要真係要睇佢本意係咩.

小瑟

原帖由 ssss41357 於 2008-5-29 12:01 發表
奇就奇在咁都有人撐佢~ Smilies015

呢個世界係咁, 咩人都有人支持, 好攪笑既!!!!!

小瑟

原帖由 LAWSON 於 2008-5-29 12:06 發表
究竟會唔會d翻譯真係有問題呢.事關好多人都好在意"報應"呢兩個字.
因為一講到報應就好似話抵死咁.
台灣班就好似就係拗緊果隻字點解.
當然佢將兩樣野拉埋尼講係有d問題,不過係咁真係衰得咁緊要真係要睇佢本意係咩. ...

其實就算係翻譯字眼出錯, 呢個字既本意都係因果, 報應, 後果, 之類既野, 即係話佢既意思都係當地災係中共做既業得出既結果, 完全網顧左四川人民既性命~~~~

skenstudio

原帖由 LAWSON 於 2008-5-29 12:06 發表
究竟會唔會d翻譯真係有問題呢.事關好多人都好在意"報應"呢兩個字.
因為一講到報應就好似話抵死咁.
台灣班就好似就係拗緊果隻字點解.
當然佢將兩樣野拉埋尼講係有d問題,不過係咁真係衰得咁緊要真係要睇佢本意係咩. ...

你睇返一開始人地問佢四川地震...佢即刻就拉到個話題去西藏  :@ :@ :@  無啦啦又會收到台灣西藏宗教基金會的信 ?

LAWSON

咁佢拎套宿命論出尼講有佢既自由.
而家睇完果段新聞,真係覺得佢好無厘頭,無啦啦拉埋果單野尼講,同情既說話亦都冇講.只係整左個"報應"出尼.係人都覺得佢心地好差囉.
台灣果邊d人亦唔係話佢做得o岩.只係想將佢既意思美化返小小.
衰就一定衰硬架喇. 可能D台人都唔想沙小姐個心地真係咁差囉.
一時意氣同心腸惡毒係好大分別. 個重點就係嚮"報應"兩個字到.

[ 本帖最後由 LAWSON 於 2008-5-29 12:25 編輯 ]

LAWSON

原帖由 skenstudio 於 2008-5-29 12:10 發表


你睇返一開始人地問佢四川地震...佢即刻就拉到個話題去西藏  :@ :@ :@  無啦啦又會收到台灣西藏宗教基金會的信 ?

其實我都係就上面段野去講.其他野可能當事人先清楚.

ssss41357

原帖由 小瑟 於 2008-5-29 12:09 發表

其實就算係翻譯字眼出錯, 呢個字既本意都係因果, 報應, 後果, 之類既野, 即係話佢既意思都係當地災係中共做既業得出既結果, 完全網顧左四川人民既性命~~~~ ...

咪就係囉~

根本兩件事唔應該拉埋黎講,點譯都係唔o岩數~

-------------

個老豆好專制,個大仔頂唔順,話要斷絕關係,個老豆唔比,後來個細仔比車車死左~

唔通咁都叫做 報應 or 因果循環 or........ :L

小瑟

總之亞沙姐就唔應該係呢D公開場合咁講一炸咁既野, 一句講哂, 白痴, 依家抵勒, 人民公敵, D客仔走哂~~~~ 佢呢D就真係報應, 一人做事一人當丫麻~~~~;P