為你鍾情 - 個人小小評

SonSon

前一排忙到未有太多時間煲碟，襯放聖誕假期間，儘地一煲 。其中一套係＂為你鍾情＂，初睇戲名以為係反拍哥哥既舊戲，但細心一睇戲名，此"你"不同彼"妳"，應該係身份對調。戲中背景設定係哥哥當紅時代同現代交替，加上有穿越時空／親情愛情／喜劇元素等。導演郭子健過往執導既戲都不算主流（上一套為＂打擂台＂），究竟今次咁溝埋咁多元素有乜化學反應

故事簡介：
穎（衛蘭 飾）自少跟隨做科學研究的養父彥（張堅庭 飾）和外公（狄龍 飾）居於美國，一天發現一個神秘機關，誤打誤撞將機器打開後。她發現裡面冰封著一位少女芝（文詠珊 飾）。更驚人的是這位年輕活潑、思想新潮的冰封少女竟是自己母親！芝與穎相遇後，細說出當年她與穎父親傑（李治廷 飾）的段段浪漫戀愛，回憶那個純真的卡式錄音機年代！最後芝決定帶同穎一同尋找2010年的傑，一段奇妙尋愛旅程正式展開...







選單畫面


較不滿意係字幕係畫面內


觀後感：
三位新演員以文詠珊表現較突出，但通常呢類片需一眾綠業襯托才可，今次眾多綠葉中以師兄劉浩龍最發光發熱 ，上一次飛沙風中轉中已顯露出黎，呢次喜劇感仍保持水準把其他人比下去，可以講表現最好一個 ，反而狄龍及邵音音等就冇乜發揮機會。其次要講係........黎明  冇錯係黎明，唔講我以為男主角係佢，戲份重好似多過李治廷 不過今次黎生唔係演繹得好，而係其中一場跳舞戲 估唔到跳得咁好。
全片畫面合格有餘，文詠珊８０年代誇張撞色衣著表露無遺。攝影方亦花過心思，懷舊部份用上略帶褪色既色調，加上四邊略帶out focus，值得一讚 。7.1聲效？聽得舒服便收貨，唔好咁大期望。至於故事好看與否見人見智，呢次無可否認係一個新嘗試，期望郭導演下次更上一層樓 。

lkljason

咁岩今晚都睇完！
好就唔叫好好睇架啦！不過起碼唔會睇到恰眼訓果隻，而當中夾雜哥哥既名曲同懷舊feel加翻小小分，我只能夠比僅僅合格！

Collection

我就最鍾意個女班長...全套戲最好笑

kennethc2k

樓主果句"無可否認係一個新嘗試"，令我諗起打波時如果人地同你講"Good Try !"，即係話你衰左(打唔入或者打唔中)

wt21

前一排忙到未有太多時間煲碟，襯放聖誕假期間，儘地一煲 。其中一套係＂為你鍾情＂，初睇戲名以為 ...
SonSon 發表於 2010-12-29 00:35

    有創意 我鍾意....

Hon

我睇左小小就停左未睇返~

獨行俠

我幾鐘意呢套,不過如果唔係黎明做會更好