AVPR 及 Jumper 小評 (含內容)

lkljason · 發表於 2008-5-12 01:49

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

睇完AVPR第一個感覺有四樣野：
第一 - 鐵血戰士隻豬頭 (唔知佢叫乜名，所以黎緊簡稱都係叫佢做豬頭

)係有人性過異形既。
第二 - 阿豬頭真係好抽過異形。
第三 - 異形係殘忍過豬頭。(雖然豬頭都生剝人皮，但佢對無威脅果人類都會手下留情)
第四 - 阿異形係唔夠豬頭抽既。

廢話講完講翻套戲，故事承接上集，豬頭已經統治左異形，但異形襯一次機會留左種再次繁盛，襯豬頭有一次出trip既機會作反，搞到架飛船炒左落地球，咁個戰場好順理成章就落左o係地球度勒！咁無辜既地球人當然成為左佢地既玩物成為犧牲品，而呢次個結尾唔算有留伏線，唔知仲有無機會拍第三集呢？

我睇完覺得娛樂性比上集豐富，雖然當中d所謂"驚嚇"場面都好鬼熟口熟面，睇慣核突戲既我，唔會比到好大既觀能刺激感覺 (不過老細已經睇到e...e....聲話咁鬼核突架)，但有d場面都會鄧個主角擔心究竟佢死唔死呢，估誰是死者已經夠娛樂性啦！

總結：我就覺得好睇過上集勒，當然好好睇就唔講得架啦，但你話垃圾咩我又覺得未至於播，我覺得可以一看。不過大部份互抽既場面都係黑媽媽，所以都幾考大家屋企既Display能力架，而最後果場異形后VS豬頭真係睇到我唔知邊個打邊個，不過好彩豬頭打打o下都除左佢個面具等你望o下佢副尊容咁至易認d炸，同埋唔知係咪遷就豬頭個身形，我覺得呢隻異形后有點兒細隻，感覺上削左d。

戲院上時呢套已經想睇 (因為我都幾鐘意睇D時空交錯既戲，不過呢次只焗限於地點，時間係無交錯既，所以唔需要太費神思考佢裡面D內容，導演亦都較易掌握無咁易有BUGS)。

套戲西片黎計都係比較短，而當中主角點解會有咁既特異功能都無乜詳細交代 (應該係遺傳掛)，男主角就係拍starwar前傳黑武士既 Hayden Christensen，今次好巧合我覺得佢做既角色都算亦正亦邪，同黑武士都有d類似，睇佢結局都似留有伏線，希望個結局唔係好似前者咁啦！
成套戲視覺效果都算不俗，但故事略為簡單，令戲味減低。好彩娛樂性都唔錯拉高翻些小分，如果加長小小文戲可能會更加好。

總結：又係一套無乜悶場既戲，值得一看！