Kinect+舞動全身 and 距離測試.....^^

marcolau · 發表於 2010-11-18 15:47

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 marcolau 於 2010-11-19 02:32 編輯

先頭入埋隻舞動全身，哩隻真係正到爆，.....
冇手掣玩跳舞真係唔同晒，直頭落D一樣，跳到腳軟都要玩......

第一個步驟佢叫我清晒前面d野，我冇理去，直接跳去下一步，
之後企好個位，等佢睇到你大部分身體就得啦.....(先唔好以為我冇著衫，佢個畫面係咁，下次我會叫條女試比你睇.....

)

完成身高後佢會要求你行入綠圈中，此為基本距離，綠圈外做任何動作都唔會有反應。
行入綠圈後，綠圈會漸漸消失，之後叫你揮手完成setting......

原身的X360界面右下角會出現一個小畫面(如果想睇下Kinect反應你可以從小畫面裡睇到)，
只要揮吓手就可進入kinect用的X360界面。

kinect用的X360界面，
右下角小畫面，你會見到自己雙手發會發光，即係佢已經捕捉左你嘅支體。
而選單時唔駛好似PS MOVE及WII咁大動作，只要移動約兩隻手掌距離就已經由右下至左上，跟本唔駛舉高手又剩。

kinect有自己嘅大x畫面，主要係圖大D方便用隻手選擇。

企格仔，如果企唔到最前果格已經唔駛玩，
最前大約6尺。
最後大約9~10尺。

試試跟機game kinect adv..

圖中為最基本我距離--6尺，企唔到又係唔駛玩。
最佳距離約7~8尺，即係兩人距離。

進行遊戲時離開會暫停及叫你翻埋位。

今次可以起腳玩了.......
似乎隻game做得唔太好，部份小遊戲有明顯反應延遲，尤其隻踼波仔....。
而"舞動全身"反應準好多，所以唔好以哩隻跟機game做標準...

總結︰
1, kinect好唔好玩唔重要，重要係夠唔夠位玩。
先頭試埋隻"舞動全身"，其實都唔駛一定要6尺距離，不過佢冇6尺唔比你入之嘛。
舞動全身同kinect adv都係全身遊戲，似乎非6尺以上不可，但我試隻半身遊戲(唔知咩賽車)就近d都玩到，唔駛6尺....
2, kinect反應都算快，如果從佢嘅偵測畫面睇應該同PS MOVE差唔多或更快。
而實際玩GAME時，我試左兩個GAME，不論全身或跳高都捕捉到。
3, 玩左半個鐘，只係覺得好索氣，因為又跳又起腳又剩，不過就冇玩WII時揮空氣嘅手痛，大概同完全冇手把在手有關。
4, 而KINECT不論光暗環境都可以捕捉到(包括你個樣)，只要你SET在KINECT ID，佢見到你就會自動登入，
先頭咬住個包佢都認到的，吹漲。
而身後嘅物件對佢冇影響，因為佢只係捕捉個人嘅支架。
5, Kinect最大優點係其影像捕捉，少少動作已經感應到，上下不到一尺已經可以控制，
唔駛好似WII同PS MOVE咁大動作先感應到，未玩已經成身汗。

WII同PS MOVE已經入左泠宮，
因為WII畫面差，PS MOVE同WII差唔多，只係靚D，但冇GAME玩就更衰。
KINECT條命會好D，因為佢唔駛手掣，陏兩野就玩到。

基本野係咁多，等條女自己玩飽佢，我要轉去玩刺客了.....