Help! 電視掛牆問題

apple1711

新居裝修好, plan好晒電視既擺位, 唯一未決定到既就係掛牆定座枱.....之前問過裝修師傅,係佢攪掂既紅磚牆上掛46"電視有冇問題, 佢話"當然無問題,紅磚牆算最堅固(當然唔計主力牆)都唔掛得, 無牆掛得" 之前plan好左如果買座枱就買sony HX900 (因畫質高, 機身又較高, 不會比中置阻礙觀賞, 但機身座較厚, 機身離牆較遠, 我梳化位去到電視牆來講得8呎多比較有壓迫感, 而且機身重, 成30kg) 而掛牆就買NX710 (只因輕, 得20kg), 今日去左百老X問下sales 46"電視掛紅磚牆有冇問題, 佢竟然答: 如果係行既師傅就咩磚牆都唔裝! 佢地只會裝係主力牆上....你要自己搵師傅攪掂啦! 之後打左比一個早前買左sony 40"電視既朋友, 佢話:sony既師傅咩牆都會幫你, 但之前會幫你評估果安全性, 話如果覺得唔安全既話會suggest你唔好裝, 如果你依然想裝既話都會幫你裝, 只係唔會為之後發生既事負上任何責任...." 我本身係prefer 掛牆既...靚仔d, 個tv櫃面又可以多d空間放下其他野如STB, Router, modem....
我應該信邊個好? 信師傅同我個friend, 所以去買nx710掛牆? 定係信百記sales, 所以去買hx900座枱?

apple1711

有冇tv係排牆既師兄可以解答到我呢?

hing5281

ching 你如果驚的話,你叫師傅上足螺絲喇。
有d 師傅打兩粒爆炸,兩粒膠'側'算數,你叫師傅打足哂爆炸喇

depeche_lam

我覺得坐柜算啦..又唔係真係離牆太遠...重有最緊要玩得安全

SonSon

回復 1# apple1711

之前都有版友討論過50吋掛牆問題.

http://www.post76.com/discuss/viewthread.php?tid=51157&highlight=%E6%8E%9B%E7%89%86

里奧

ching 點解唔直接打上 sony問 , 以前我買sony tv , sony d師傅係會先檢查左先裝的 (因為連工包料都收成 1.8k) , 佢地証實左無問題就會幫你裝機 , 出左事跌左落地就會負責 (所以收咁貴)  當然佢地檢查後話唔裝得掛牆而ching又堅持裝機 , 個責任就響自己到 . 掛牆係派二個師傅上門做野 , 所以要預先通知sony .

ohei_pak

死火la...我都係岩岩買左lg 42" ,買o個陣我就話要掛,但個sales 提都冇提過呢個問題,而家睇完有d擔心....星期六就上黎裝

里奧

打電話問清楚LG , 係咪師傅會check埋牆身無問題先會裝機 , 有問題係咪由LG負責 .  唔好信 sales講 , 出左事佢都唔會賠比你 , 問番原廠就最穩陣 .

depeche_lam

sales唔一定講.因為都唔知你幅牆係石屎定磚牆

yhkelvin

我都掛左部50"PAN記PLASMA上牆, 都係紅磚牆, 裝機時師父完全冇睇係咩牆, 度好位就打4口拉爆, 而家都掛左大半年 lu~
我果度仲係差唔多30年舊樓...