阿仙奴出戰聯賽盃(決賽對伯明翰)

Fabregas

講鬥志,輸咗...講頭鎚,輸哂...其實幾分鐘嗰球單刀,如果唔係嗰旁証睇錯,一早輸＋二碼兼打少個....唉!!!{:6_1 ...
kenny.k 發表於 2011-2-28 02:34

好明顯伯明翰想攞呢隻盃既鬥心高於亞仙奴！
下半場中段控制戰局但無法入波，我已覺得亞仙奴尾段會失波！
龍門真係輸經驗！但輸波成堆都有責任！

Fabregas

唉.....又係輸d低能嘢至攞命係無時間追.......其實就算俾多十五分鐘都未必追到(當雲佩斯同沙皇分 ...
raymond430 發表於 2011-2-28 08:52

賓仔成日走邊線，攪到中間無人，佢一向都係咁！
伯明翰昨晚嘅戰術真係食住阿仙奴，特別係睇到阿仙奴應付高波唔掂，即狂高空轟炸！
阿仙奴明知施積利害，仲無人凍結佢，全場不斷走甩佢，俾佢不停頭搥二傳！
迪佐奴係最有機會頂住施積，但佢無跟實佢，成日見基歷治同施積爭頂！
現最擔心阿仙奴班年青球員失哂信心，影響日後表現！

Fabregas

我好贊同你所講...雲加,佢一向都只係換人唔換陣,其實係某程度上佢真係一個球探而已,只懂發掘新秀,俾 ...
raymond430 發表於 2011-2-28 11:11

當雲佩斯傷出，剩下查馬克同賓仔！
我覺得當時個勢，點排陣都好難入到伯明翰波！

Fabregas

再一次證明雲加無買中堅係今季失敗既致命傷！
無輪迪佐奴，高斯爾尼，史基拿斯，甚至華美倫，都唔係頭搥一流既中堅！
亞仙奴極需要一個維迪咁既中堅！

jt24

真係替阿記擔心，跟住落嚟仲有連場大戰，唔知佢點應付囉！

raymond430

賓仔成日走邊線，攪到中間無人，佢一向都係咁！
伯明翰昨晚嘅戰術真係食住阿仙奴，特別係睇到阿仙奴應付 ...
Fabregas 發表於 2011-2-28 18:28

兩個斯尼雖然對失球要負上極大責任,但整場比賽佢兩個已經打得唔錯.....奈何係最危險嘅時段出錯.......無命!
施積真係好難攪,佢高過迪佐奴差唔多成個頭(肉眼睇),有d似以前精工有個外援叫麥威廉有6'4"高,相對本地華人球員真係大巫見小巫,高波真係無得爭.
兩隊握手時已留意到伯明翰成班球員都高頭大馬,反觀阿仙奴....

raymond430

再一次證明雲加無買中堅係今季失敗既致命傷！
無輪迪佐奴，高斯爾尼，史基拿斯，甚至華美倫，都唔係頭搥一 ...
Fabregas 發表於 2011-2-28 18:37

雲加只顧地上足球,高波...佢老人家唔受
季初查馬克加盟都有d高空攻勢俾查生發揮下,漸漸地........無咗
還有,我留意到當中場缺少法比仔,韋舒亞,拿斯尼其中一個,阿仙奴嘅中場只會橫傳交波而無咗d有效率及威脅嘅滲入

raymond430

真係替阿記擔心，跟住落嚟仲有連場大戰，唔知佢點應付囉！
jt24 發表於 2011-2-28 18:38

    心靈嘅創傷,小朋友唔係咁易修復.......施捷斯尼尤甚.
希望佢地痛定思痛,化失望為力量啦 不過....以往幾年都係.........唔好講!

raymond430

咩事朗兄今日無現身莫非失望到上嚟伸下都無心機(苦中作樂)

kenny.k

一見到路斯基打正選,已經涼咗一截(個人認為佢新災星),冇腳好波交到出嚟,可能又加上疲倦,見佢兩邊閘都轉數慢咗,優勝劣敗,我都冇嘢好講,只係見到個咁嘅錯誤,一時接受唔到.