長實嘅樓，唉.......

jt24

一直都聽聞長實嘅樓有問題，所以都唔會考慮買佢哋起嘅樓，今日新聞提起，畀大家睇吓，唔想大家中招！(另外可參考此blog睇吓設計師點講佢D搵笨嘢！http://hk.myblog.yahoo.com/peter-sun/article?mid=7562)

600萬元住宅　幾十蚊天花線都慳
地產商處處賺到盡
2010年10月25日
特區政府成立百億關愛基金，試圖化解「仇富」情緒，但發展商處處「賺到盡」，小市民怨氣怎能平復。怎樣才算「賺到盡」？購入長實日出康城單位的小業主有深刻體會。除單位延期交樓及嚴重發水外，更有不少極具創意的「賺盡」特色，由地腳線到天花線的「慳家」設計，到全屋家電只得半年保養，曾光顧長和系三個樓盤的小業主不禁問：「發展商良心去咗邊？」　記者：林浚川

張氏夫婦多年前購入和黃發展、樓齡逾 30年的紅磡灣中心，其後搬到同是和黃旗下的黃埔花園，到最近買入長實的日出康城第二期領都。以樓論樓，夫婦兩認為領都質量和設計最差，張太慨嘆：「呢幾十年全世界都進步，只有長實倒退。」張先生則說：「初時日出康城叫夢幻之城，入到嚟乜嘢夢幻都破滅晒！」

露台天花入伙已剝落
張家的四房單位面積過千呎，買入價逾 600萬元，價錢堪稱區內豪宅，但張太批評質量連公屋都不如。例如全屋 12幅玻璃窗都有微細小孔，擔心可能整塊爆裂，要全數更換。露台天花剛入伙已剝落，裝修師傅修葺時發現三塊「空心磚」，導致批盪不平，又要換。大廈走火樓梯牆身只上油漆，表面粗糙不堪，張太狠評：「公屋都冇咁求其啦！」
客廳天花線看似延伸全屋，實際上兩部分體式冷氣機背後，都欠缺一段約兩呎長的天花線，張先生要求長實補回卻被拒：「職員話呢段係唔包，叫我自己去搵，我搵勻全港都冇，肯畀錢都買唔到」。多次投訴後，長實終補回兩段成本價可能只是數十元的天花線。
要數最具創意的「賺盡」設計，非地腳線莫屬。一般地腳線厚度不超過一厘米，但長實旗下多個新盤，地腳線厚逾一吋，原來內藏電話線和電線，省卻線路走喉入牆的建築成本。小業主若要更換全屋地腳線便要自掏腰包，若不更換地腳線，絕大部份現成傢俬都無法貼牆，實用空間買少見少。

長實主席李嘉誠曾說「君子愛財，取之有道」，但旗下的領都卻被批評為沙漠都掘到出水之作。
日出康城另一「賺盡」特色是買樓時附帶的全屋家電，竟只得半年保養，張太說：「我做咗幾十年人，第一次聽電器得半年保養。」更絕的是業主如要續保，首年只可光顧長實旗下的豐澤電器。有日出康城業主在網上透露，入伙不久冷氣機即故障，致電豐澤才知保養期已過，上門檢查收費 450元，留言慨嘆：「不能不佩服佢哋（發展商）賺錢諗頭，真係沙漠都掘到出水」。
張氏夫婦寄望長實盡快完成「執漏」，但本身是日出康城第一期首都業主的將軍澳區議員方國珊表示，首都入伙超過一年，很多單位仍未完成「執漏」，「每個單位都講緊幾百萬，發展商係咪真係要咁樣賺到盡？將咁嘅質素嘅樓交畀買家？」
長實成本亦「鍊到盡」，建築業界指長實分判工程向來價低者得，分判商「冇肉食」只好向下壓榨，重效率多於質素，是樓盤質素參差主因。

waicsl

發展商良心.....買樓是一個好重要決定,多謝報料

PP-HK

以前長實d樓幾好架, 而家d新樓攪成咁, 呢幾年李生係咪貪錢到心理變態?

tswtsc

無良商人...

jt24

其實喺年多前已經從電視度知道佢D衰嘢o架喇！好似都會駅就已經有地獄地腳線呢個問題嘅喇！

corolladv

我覺得0吳係李生貪錢到心理變態, 而係下面D伙記貪錢貪表現到心理變態.

lukalok

有素質嘅相信得太古樓

jt24

有素質嘅相信得太古樓
lukalok 發表於 2010-10-25 10:19

新紅雞嗰D都OK嘅！

tswtsc

新紅雞嗰D都OK嘅！
jt24 發表於 2010-10-25 10:22

所以佢 d 樓一定好價 d.

horace_tsang

咁攪法買優質二手樓好過。一年前去睇新樓盤已發覺新樓好差：

1.        實用面積小，一入睡房已經要跳上床咁濟
2.        窗台大，將床唔做上窗台跟本無位放衣櫃
3.        隔音差，大門太近電梯，一出電梯已聽到單位內聲音，師兄玩影音一定死得
4.        示範單位內家具尺吋有問題，比實際小，唔訂做可能放不落