孖 寶 賽 車 全 球 隔 空 片

lkljason

好想快d玩到啊！Smilies011 Smilies011 Smilies011


4 月 份 係 日 本 遊 戲 廠 商 結 算 後 新 一 季 度 開 始 ， 加 埋 邊 適 逢 開 學 ， 以 往 習 慣 上 都 係 三 四 線 作 品 出 爐 之 時 ， 稍 為 有 叫 座 力 作 品 都 唔 會 揀 呢 個 檔 期 。 但 當 任 天 堂 靠 NDS 成 功 重 奪 Game 界 霸 主 地 位 ， 佢 冇 再 介 意 勁 Game 放 幾 時 出 ， 只 要 有 Gimmick 有 實 力 反 而 仲 做 到 一 枝 獨 秀 效 果 ， 更 何 況 係 全 球 引 頸 以 待 Wii 版 《 孖 寶 賽 車 》 （ Mario Kart ） ？ 單 憑 支 援 全 球 車 手 一 齊 Link Play ， 已 經 唔 使 講 唔 玩 唔 得 啦 ！




全 球 連 線 齊 挑 機

高 卡 車 Mario

話 就 話 有 幾 個 Mode 畀 你 揀 ， 但 唔 計 自 閉 玩 單 打 外 ， 我 諗 絕 大 部 份 機 主 都 會 同 朋 友 聯 誼 ？ 始 終 NDS 集 已 經 穩 佔 最 佳 同 Friend 打 交 道 正 Game 頭 幾 位 ， 到 Wii 情 況 一 定 唔 會 有 例 外 。 佢 單 機 對 戰 模 式 ， 可 以 任 你 同 1 至 3 個 朋 友 比 拼 ， 亦 即 係 話 如 果 4 打 話 ， 畫 面 就 會 Cut 做 一 開 四 咁 縮 細 晒 ， 玩 起 可 能 會 冇 咁 好 Feel 。 如 果 想 同 朋 友 甚 至 世 界 各 地 車 手 決 勝 負 ， 就 可 以 接 上 網 絡 以 WFC 功 能 搵 人 搞 比 賽 ， 據 知 分 為 世 界 規 模 、 日 本 規 模 以 及 經 由 Friend List 上 搵 對 手 ； 相 信 到 時 美 版 歐 版 一 出 ， 好 多 人 都 會 聚 晒 世 界 規 模 賽 事 度 啦 ！

大 包 圍 Peach	大 牛 Kuupa
■ 開 局 前 可 以 清 楚 睇 真 每 位 對 手 Mii 人 像 係 乜 。	■ 同 一 畫 面 作 上 下 分 割 ， 畫 質 都 冇 明 顯 大 幅 下 降 。
■ 全 球 排 名 一 目 了 然 ， 完 全 活 用 上 網 及 Mii 功 能 。	■ 一 開 四 咁 同 朋 友 互 片 ， 係 就 係 好 細 粒 ， 將 就 ！
■ 向 吊 橋 對 面 一 飛 衝 天 咁 飛 過 去 ！	■ 各 人 Mii 圖 象 ， 都 會 如 實 反 映 番 隻 Game 面 。
■ 雪 地 來 個 大 急 彎 ， 一 不 留 神 就 成 個 人 掟 去 大 外 檔 。	■ 除 正 常 競 賽 模 式 ， 亦 有 鬥 快 食 晒 金 幣 迷 你 遊 戲 。
■ 呢 個 戶 外 過 山 車 版 圖 ， 一 唔 留 神 就 肯 定 會 飛 出 街 。	■ 只 要 使 用 道 具 ， 畫 面 就 會 有 特 殊 效 果 出 現 。

洗 心 革 面 從 頭 再 來由 超 任 開 始 ， 《 孖 寶 賽 車 》 已 經 近 乎 成 為 任 天 堂 每 代 主 機 不 可 或 缺 重 頭 大 作 ， 差 唔 多 每 集 都 好 評 如 潮 ； 但 上 次 出 GC 隻 就 整 色 整 水 ， 硬 係 加 埋 二 人 合 作 要 素 落 去 ， 結 果 反 應 遠 不 如 之 後 NDS 版 咁 萬 人 空 巷 。 當 然 GC 普 及 率 完 全 唔 可 以 同 家 Wii 相 提 並 論 啦 ， 因 此 開 發 人 員 痛 定 思 痛 ， 還 原 基 本 步 變 番 正 正 常 常 咁 純 粹 鬥 速 度 ， 同 埋 鬥 玩 陰 招 賤 ， 結 果 未 賣 就 已 經 掀 起 狂 熱 討 論 潮 ， 睇 怕 機 友 們 肯 定 又 係 晚 晚 怒 煲 「 孖 車 」 ， 其 他 Game 等 做 炮 灰 喇 ！

■ 想 戰 勝 對 手 ， 關 鍵 之 一 就 係 搶 到 有 用 道 具 幫 手 。

■ 畫 面 表 達 效 果 傾 向 夢 幻 類 型 ， 和 老 任 一 貫 遊 戲 相 同 。

送 盤 考 操 控由 於 Wii 個 遙 控 本 身 唔 係 設 計 玩 賽 車 ， 想 做 到 恍 如 住 堂 感 覺 ， 廠 方 於 是 隨 Game 附 送 一 個 盤 ， 畀 大 家 將 個 Wiimote 塞 入 去 模 擬 駕 駛 感 覺 ， 透 過 體 感 設 計 做 到 同 真 車 分 別 唔 大 效 果 。 但 好 老 實 ， 「 孖 車 」 不 嬲 都 係 玩 瘋 狂 刺 激 死 衝 爛 衝 ， 邊 會 同 正 正 常 常 咁 鬥 快 扯 得 上 關 係 ？ 仲 有 佢 掟 彎 甩 尾 開 Turbo 組 合 技 ， 兼 且 如 果 使 用 電 單 車 仲 有 埋 抽 頭 等 招 式 ， 要 用 堂 做 到 都 要 花 時 間 去 掌 握 箇 中 秘 訣 。 不 過 點 都 好 過 就 咁 拎 住 支 棍 玩 ， 起 碼 冇 咁 易 一 成 支 遙 控 飛 出 來 咁 大 鑊 。

■ 唔 知 改 變 控 制 方 法 ， 踩 行 油 入 彎 甩 尾 有 冇 以 前 咁 易 使 出 呢 ？	■ 猶 如 工 廠 場 景 ， 會 唔 會 俾 頭 頂 裝 置 夾 扁 ？
■ 當 然 唔 少 得 設 備 最 標 準 賽 車 場 啦 。	■ 咁 大 隻 企 鵝 棟 度 阻 住 ， 轉 唔 切 彎 炒 硬 車 。

角 色 道 具 多 兼 爽同 大 多 數 老 任 遊 戲 一 樣 ， 「 孖 車 」 除 鬍 鬚 仔 Mario 同 細 佬 Luigi 之 外 ， 基 本 登 場 角 色 仲 包 括 菇 仔 、 仔 、 桃 公 主 、 恐 龍 耀 西 、 Baby Mario 、 Baby 公 主 、 怪 庫 巴 、 大 金 剛 同 埋 邪 到 出 汗 華 利 奧 及 華 路 易 。 唔 單 止 咁 ， 除 一 般 高 卡 車 外 ， 玩 家 仲 可 以 揀 電 單 車 玩 ， 操 控 方 面 當 然 會 有 唔 同 ， 仲 可 以 做 出 好 多 凌 空 花 式 ， 譬 如 越 野 車 場 等 賽 道 最 能 夠 發 揮 驚 人 效 果 。 另 外 ， 拾 取 沿 途 道 具 係 本 系 列 致 勝 方 針 之 一 ， 以 前 大 家 用 到 熟 晒 加 速 紅 菇 同 蕉 皮 依 然 保 留 ， 仲 新 增 震 到 周 圍 都 郁 晒 POW 磚 塊 同 監 生 狂 電 跑 得 較 快 對 手 閃 電 雲 ， 未 到 最 後 一 刻 都 未 必 話 贏 梗 ！


買 Game 送 盤機 種 ： Wii
廠 商 ： 任 天 堂
類 型 ： RAC
人 數 ： 1-4 人 （ 網 上 2-12 人 ）
日 期 ： 4 月 10 日
售 價 ： 約 $498 （ 附 盤 ）
查 詢 ： I-Gamer （ 2725 3338 ）




[ 本帖最後由 lkljason 於 2008-4-10 12:11 編輯 ]

matthew

尋晚已經玩緊.......仲有得online 添.........:victory: :victory: :victory:

ssss41357

隻game掂唔掂呀元外? Smilies010

matthew

原帖由 ssss41357 於 2008-4-10 14:07 發表
隻game掂唔掂呀元外? Smilies010

我冇nds 又冇n64 又冇GC
都叫做初初玩.......太易上手.......Smilies007 Smilies007 Smilies007
用wiimote 打橫當軑盤手感唔錯.......因為我之前有玩開excite truck
所以轉彎唔太難控制

online 打唔lag, 有國際,日本同入friend code 揀
不過尋晚10:30 後就唔知點解入唔返去日本個server (maybe 太多人)
底分有5000分.......第一名有百零分到啦
尋晚冇里頭disconnect 左4次.........扣左都成600分.........都幾甘
我新手尋晚都拎到幾次第一.........:victory: :victory: :victory: :victory:

ssss41357

唔知美版會唔會係分國際,美國同入friend code呢?

聽完你咁講,真係好想即克玩~ Smilies011 Smilies011 Smilies011

lkljason

原帖由 matthew 於 2008-4-10 14:15 發表


我冇nds 又冇n64 又冇GC
都叫做初初玩.......太易上手.......Smilies007 Smilies007 Smilies007
用wiimote 打橫當軑盤手感唔錯.......因為我之前有玩開excite truck
所以轉彎唔太難控制

online 打唔lag, 有國際, ...

孖寶好玩之處就係唔使點樣有技術都會玩得似無似樣嘛！Smilies011 Smilies011 Smilies011

ssss41357

原帖由 lkljason 於 2008-4-10 14:37 發表


孖寶好玩之處就係唔使點樣有技術都會玩得似無似樣嘛！Smilies011 Smilies011 Smilies011

我之前都係咁諗,但當我一同D高手玩過之後就知自己仲爭好遠好遠~~~ :Q :Q :Q

Smilies017 Smilies017 Smilies017

lkljason

原帖由 ssss41357 於 2008-4-10 14:42 發表


我之前都係咁諗,但當我一同D高手玩過之後就知自己仲爭好遠好遠~~~ :Q :Q :Q

Smilies017 Smilies017 Smilies017

哈哈哈~~~我話似模似樣姐，無講過話會贏到播！;P ;P ;P

matthew

原帖由 ssss41357 於 2008-4-10 14:29 發表
唔知美版會唔會係分國際,美國同入friend code呢?

聽完你咁講,真係好想即克玩~ Smilies011 Smilies011 Smilies011

咩版都一樣........只係語言唔同o者........;P ;P ;P ;P

matthew

原帖由 lkljason 於 2008-4-10 14:45 發表


哈哈哈~~~我話似模似樣姐，無講過話會贏到播！;P ;P ;P

用wiimote 控制同用十字制係兩回事呢..........
用開十字制轉用wiimote可能高手變新手;P ;P ;P ;P ;P