台北遊小報告 + 戰利品曬冷 + 溫馨提示

魚腮人

繼上年 10 月不幸o既台灣颱風之旅 (詳情請睇以下網址)，心有不甘，於是今年四月再戰台北，誓要去返上次去唔到o既地方，玩返玩唔到o既o野，食返食唔到o既美食，出發！

http://www.post76.com/discuss/viewthread.php?tid=2681&extra=page%3D1

4 月 3 日

一行四人早上乘坐 CX530 於 11:00 抵達台北，隨即乘坐已預先訂好o既專車直接到達下榻o既酒店「富園國際商務飯店」

七人車由機場送到酒店都係 NT$700，國光都要 NT$125 一個人啦！去西門町仲唔駛轉車直接到門口！


富園國際商務飯店，雖然貴o左o的，不過好乾淨、好舒服！


個洗手間好乾淨，有浴缸，有o的房仲有按摩花灑o添！不過最出名o既都係o個個電子暖板自動清潔坐廁！


Check 完 in 就出西門町雪龍眼鏡地庫唱錢

之後就到忠孝東路行街血拚，又去 Graniph 掃貨，再到度小月食 Tea

晚上到 New York New York、台北 101

台北 101 89 樓觀景臺o既夜間，出面落住雨，乜都睇唔到......


91 樓室外觀景臺o既氣溫係零下 4oc！！


再到寧夏夜市同師大夜市



4 月 4 日

早上出發去台北動物園，途經台北車站預購往瑞芳火車飛

個動物園行o左半日都行唔晒，下次要預一日！

入面有小火車，NT$5 一程，建議先搭上山再慢慢行返落o黎


見到呢條大蛇，不其然令我諗起 Harry Potter 第一集......


咦！壁虎功？呀唔係，係青蛙功先o岩！


佢o地唔郁真係以為佢o地係假o既


企鵝甲：「嘩！」
企鵝乙：「咩事？咩事？有咩睇？」
企鵝甲：「原來天花板o的雲係假o架喎！」
企鵝乙：「#*&x@^%>.......」


今晨於台北市立動物園內發現一具屍體，死者身材魁梧，年約十多歲，初步認為事件有可疑，死因有侍調查




呀呢位小姐，乜得你個姿勢咁誘人o既！


阿叔，因乜事你有屋企唔返要淪落街頭訓街咁慘呀？畀張單張過你蓋o下先，冷親就唔好啦！


最新消息，繼今晨於台北市立動物園內發現一具屍體後，再有兩具屍體於園內另一個地方被發現，兩名死者身材同樣魁梧


望咩呀望？未見過靚仔呀？


做錯事被罸「laai」乾淨個欄杆佢......


好明顯佢琴晚一定係做賊o黎


阿羊太，因乜事個樣咁閉翳呀，o的股票炒燶晒變o左大閘蟹呀？


你睇o下我條美腿幾修長！


做乜事撬埋雙手嬲爆爆咁呀？


難得今日咁好大陽(燈)，曬返陣太陽(燈)先！


o黎，呢邊，望一望鏡頭，笑~~~


先生，萬大事都有得商量，唔好咁睇唔開做傻事呀，落返o黎先慢慢講啦！


喂，影得我靚o的，張大特寫我要用o黎寄去申請選港姐用o架！


中午去永康街食鼎泰豐，身為小籠飽癡o既我，總共食o左差唔多兩籠合共 20 個小籠飽再加一盅雞湯再加一碗油豆腐細粉

之後再去後面冰館食o左個綜合冰

返西門町行街血拚

你睇o下台灣o的辣妹，條裙短到呢......呀唔係，佢直情係無著褲！


去台灣故事館






夜晚搭火車去饒河街夜市




再去西門町錢櫃唱K唱到成三點先返酒店



4 月 5 日

一早去o左 24 小時誠品敦南店

中午去豚屋食芝士豬扒同可樂餅

之後搭火車去瑞芳再轉的士去九份

去李儀買鳳梨酥，個老細好傾又識講廣東話，走之前仲每人送o左個o岩o岩新鮮出爐o既鳳梨酥，熱辣辣超好食！

九份多人到嘔！返瑞芳同基隆o既巴士條人龍長到爆！o的巴士未埋到站都已經滿o左九成，差o的離開唔到九份，最後行o左成 15 分鐘好好彩咁搵到o架的士 NT$550 去基隆，個司機行小路，沿途仲介紹九份o的金礦景店同歷史，仲途經著名o既陰陽海

九份o的路又窄，人又多......


陰陽海鴛鴦色係因為九份金礦沖刷出o黎o既泥水流入大海，同海水顏色形成對比


o架車行o左成 45 分鐘終於到達基隆廟口夜市

廟口夜市超多人！


廟口夜市入面o既生魚片檔

行完廟口夜市就搭國光返台北

返酒店抖o左陣就出發去士林夜市

行到成點鐘就返酒店附近o既 24 小時家樂福血拚買手信之後返酒店



4 月 6 日

朝早出西門町掃手信最後衝刺

台北真係美食之都，竟然連麻油雞都有節......


12:15 check-out

12:30 搭預先訂好o既專車出機場

15:25 搭 CX467 返香港



戰利品曬冷！o的戰利品仲貴過個台北 package......


溫馨提示：

1. 以前台北 101 o既 89 樓o既室內觀景臺同 91 樓o既室外觀景臺係分開收費o既，不過依家已經無再分開收費，NT$400 一個人可以去齊 88、89 同 91 樓
2. 如果已經有預定o既書要買，其實可以o係出發前 3-5 日o係香港上網預訂而唔駛畀錢住，再選定一間你將會入住o既酒店附近o既便利店，到達後先去便利店畀錢拎貨再放返酒店，唔駛拎住o的書咁重四圍去，而且上網訂仲會有門市無o既特別折扣！誠品、博客來同金石堂等大型書店都可以用呢個方法預定，最後要留意o既係便利店只收現金而唔收信用咭o既

威廉

仲有冇辣妹相 Smilies011 Smilies011

雷因

[quote]原帖由 威廉 於 2008-4-8 17:56 發表
仲有冇辣妹相 Smilies011 Smilies011  X2

魚腮人

辣妹是可遇不可求的說Smilies020 Smilies020

lkljason

仲有冇辣妹相Smilies011 Smilies011  x 3

你d相size好大啊:L

ssss41357

原帖由 lkljason 於 2008-4-8 18:30 發表
仲有冇辣妹相Smilies011 Smilies011  x 3

你d相size好大啊:L

800x600 唔大喎~

lkljason

但load親呢頁都load好鬼死耐，仲以為好大添:lol

小瑟

好精彩呀, 你去d地方我之前都好想去架, 不過去唔到, 好似 台灣故事館, 動物園我都好想去, 不過果時都冇去到, 另外 台灣故事館係咪係台北果邊架, 之前我睇書仲好似話已經摺左架, 乜依家又開返咩????

魚腮人

原帖由 小瑟 於 2008-4-8 22:11 發表
好精彩呀, 你去d地方我之前都好想去架, 不過去唔到, 好似 台灣故事館, 動物園我都好想去, 不過果時都冇去到, 另外 台灣故事館係咪係台北果邊架, 之前我睇書仲好似話已經摺左架, 乜依家又開返咩???? ...

係呀！台北去一次真係玩唔晒，我今次節目咁豐富其實每日都差唔多朝八晚二，行都行到腳跛！
台灣故事館就係台北車站對面o羅，之前係摺過，不過我上年去o個陣都已經開返啦！但係今次去見佢都無乜人，唔知佢頂得幾耐......

魚腮人

原帖由 lkljason 於 2008-4-8 21:50 發表
但load親呢頁都load好鬼死耐，仲以為好大添:lol

o的相唔大，不過就多o左o的