VANQUISH 入手(實物圖&小評)

@肥狗仔@ · 發表於 2010-10-20 19:04

本帖最後由 @肥狗仔@ 於 2010-10-20 21:40 編輯

等左4年的作品終於推出了~今日$##*入手。

PlatinumGames首兩款高清遊戲，可惜Mad World至今仍未出高清版本。

入手後玩左一小時，現寫下感想。PS3版強迫性安裝2.88GB內容，Loading唔慢，起碼唔會有Bayonetta嘅情況出現。之前有討論區嘅朋友話頭一個鐘只有約10分鐘的遊戲時間，這肯定是假的，因為一開始我過訓練到睇片再真正打都只係用左3~4個字倒，之後再冇出現「長片」了。講返個gameplay，本人花左約一個鐘時間玩到去ACT1 Mission7(本作有5個ACT)，系統方面一如DEMO一樣瘋狂，通過Boost及AR模式，玩家唔會再如GEOW成日係cover後面。反而會經常衝過去以shotgun勁爆幾隻雜兵或者一腳踢落敵人度。如果你係喜歡明快節奏的遊戲，咁本作一定好岩你，因為真係快到你唔信。

直到Mission7，除左特典武器外，所有武器都已經出現(約8款)，並且可以進行升級。關卡設計得成一條直線，每一個Mission都係連住，玩家基本上唔洗為搵路而煩惱，只要「VANQUISH」各關就可以，而且各關的「廢話」亦唔多，就算一D中等敵人出現都唔會有過場影片出現。至於劇情，只可以用老土同爛黎形容，但本作劇情如遊戲其他方面一樣爽快，內容少，對話少，時間少，而且所謂內容都只係圍繞住「有野打」「有人救」「有路行」等，向好果方面唸，玩家基本上唔會再覺得過場影片煩，就算飛片都可以飛得瀟洒D。畫面方面，的確比DEMO sharp左，但係高速移動下仍然可以保持到穩定fps，實在難得。音效配樂方面，本作同好多PS3遊戲一樣附有LPCM5.1音效，而配樂方面亦經常出現「DMC」式嘅電子配樂。

本人之前玩DEMO玩熟左，正式版各關平均只需7~10分鐘過，但挑戰性仍然十分高，所以如果閣下習慣係例如DMC﹑BAYONETTA等遊戲上挑戰評價或者show off的話，本作絕對買得過的。