外星擊76非壞事？

SonSon

可能一d心水清既版友都發覺近排多咗一d廣告廢post係76出現, 表面上呢類廣告毫無意義之餘亦會阻礙各版區閱讀流暢度, 但從另一個角度睇, 76是否因為人流人數開始眾多, 吸引咗一d所謂外星人係度不斷落廣告呢.

眾所周知, 任何開post既樓主, 都希望自己既post多d人睇多d人回, 有最大回響. 試問一個科林若人流稀少, 開post回文廖廖可數, 你會唔會係度花時間落出post廣告. 所以換轉角度諗大家應該開心先係, 證明76開始吸引一d心懷不軌之仕留意, 就算我哋不斷cut a/c cut post, 佢哋仍不遲勞苦開a/c出post希望多d人留意違規訊息達到佢哋既目的. 所以日後再遇到呢類post, 只要大家無視佢既存在, 不看不回便可, 有關殺生既野由一眾版主/行動組去做啦.

最後想講既係一個科林維持日常秩序既, 唔係由一少眾管理層去操控, 而係大家袒誠相向, 互相尊重去維持. 一個健康既科林, 係由大家不斷灌溉去成長既.

rinko

回復 1# SonSon


    如果你們有得他不停地POST.可能會慢慢產生更多的廣告POST.其他外星人也會有樣學樣的.所以我見意見一個掉一個.對這些外星人不要留情.等於你家中有一隻老鼠.你唔打走去.有一日你家中就會有很多老鼠了!

Pooh

回復 1# SonSon


    實情並非師兄所想。落廣告的，並非外星人。而係 spambot 機械人。呢啲機械人係專門針對某一啲科林系統設計的程式，佢地唔會理你個科林人流高定低。我有個朋友個科林係零人流，一樣俾機械人造訪。呢啲機械人就好似 Google, Yahoo 啲 Search Engine，用程式去建立搜尋索引，並唔須要人手介入。所以你回覆佢任何嘢，佢都唔會理你。

呢啲廣告機械人會係網上搵一啲用 Dicuz!, phpBB 等等既科林攻擊。點搵? 你可以試吓 Search "Powered by Discuz"，就馬上搵到一大堆。

你注冊時有無留意到，要跟住張蠱靈情怪既圖，入一堆數字。呢樣嘢叫Captcha ，係用來分別真人同機械人的，防止大量注冊同落廣告。不過機械人都會進化。我諗佢哋宜家已經進化到識得認張圖入面啲字了。 (或者識得撞張圖入面啲字)

SonSon

回復 2# rinko

rinko兄, 無錯對付呢類惡意資訊, 我們會絕不手軟, 見一個殺一個. 但同時亦希望大家明白, 敵暗我明, 佢哋可全天候24小時不停發放訊息, 但我哋各版管及版主礙於工作或家庭, 無可能作24小時監察, 坦白講呢類惡意資訊出現, 我們未必可即時處理, 但這樣不代表76認同該類惡意資訊存在. 換轉另一角度諗, 既然殺之不盡唔可以杜絕, 咁就要適應呢類資訊既存在, 用平常心對待. 既然大家都知道呢類惡意資訊用乜形式出現, 咁當佢再出現時咪唔好理佢睇佢回佢囉, 最後當然最好有勞各版友通報啦. 無謂為咗呢類post而影響大家係76既討論心情呀.

taxman123

建議見一殺一 ....
不要姑息養奸...

SonSon

Pooh兄﹐以目前76資源, 坦白講沒法好似一ｄ以商業性質運作既網站相提並論, 呢點小瑟兄另帖已解釋, 呢度唔再多講﹐ 既然強如一ｄ大網站均唔可以完全避免呢類廣告, 可放係小小既76呢﹐所以事實係我哋要接受佢既存在, 只不過係靠大家通報, 各版主及行動組見一殺一減少出現時間次數.

發送自我的 GT-I9000 大板凳