麥當勞搞結婚派對

Think · 發表於 2010-10-9 00:41

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

做幾多錢人情

‘而家啲婚宴酒席競爭相當激烈，鬥豪鬥環保，又要鬥 gimmick，先會殺出一條血路，好似麥當勞今次夠晒創意，居然諗到條橋，全港首創快餐店結婚派對服務，唔食鮑魚食漢堡包，咪話唔盞鬼。
小妹噚日打畀麥當勞靚女公關 Helen問吓點解咁有諗頭。佢解釋話，其實接到唔少客要求，想喺麥當勞搞婚宴，呢啲準新人話，大家相識喺麥當勞，拍拖喺麥當勞，所以咪連結婚都要喺麥當勞喎。原來食包可以媾到仔，姊妹們就唔使使錢參加 dating party啦。
Helen 話，之前有一 pair新人試過喺麥當勞包咗半個場搞婚禮，賓主盡歡，加埋徇眾要求，決定出年 1月 1日公開推出婚宴服務，暫時只限金鐘海富中心、上環士美菲路同埋美孚廣場三間分店，婚宴餸菜當然係漢堡包、薯條啦，仲會同新娘度身訂做麥當勞氣球婚紗，設計埋場地同遊戲，「好似玩新郎、玩新娘環節，會叫新人一頭一尾食薯條，食幾啖咪 kiss到囉。」
周日舉行集體婚禮

有興趣喺麥記擺結婚酒嘅朋友，不妨喺嚟緊周日下晝 3點，到紅磡港鐵站嘅麥記觀摩吓，當日佢哋搵咗九對戀人舉行集體婚禮，大家着住波波婚紗，玩食薯條 kiss遊戲等。
香港餐飲聯業協會會長黃家和同小妹講，而家食肆最搵錢係酒席生意，好似皇府酒樓呢輪連開數間分店，專做酒席。今次麥記推出婚宴服務幾有創意，好啱一啲經濟能力有限、又想結婚嘅年輕人，「啲酒席只不過食包飲汽水，佢哋負擔得起」’

http://hk.apple.nextmedia.com/te ... &cat_id=7349340