黑膠碟的滿足感。

tennishk

黑膠碟的滿足感。

近排玩返黑膠碟，唔知點解，有時隻手裸住隻鐘意既黑膠碟，個種滿足感，CD真係從未有過，而家真係好小聽CD了。
而家基本上每個星期都會去搵黑膠碟，當然，我係經常會買同賣，好價既仲會賺返些小，不過近來多了人玩黑膠盤，黑膠碟價錢比以前真係貴左D。

今日係深水步搵到隻20蚊既(河合奈保子-黑膠碟)，隻碟接近全新，賣$20蚊真係好抵，一聽之下，發覺非常好聲，再睇睇隻碟，完來係日本天龍版，相比早幾日買了隻(張學友-情不禁同王靖雯EVERYTHING黑膠大碟。)，每隻$3佰幾，知前D人講到點靚點靚，聽完後，只覺得唔差，我再兩隻碟比較一下，隻$20蚊既(河合奈保子-黑膠碟)，明顯贏成條街，當然，如果你細過未聽過佢D歌，真係未必會鐘意。




另外仲比我搵到隻(澤田研二)同(安全地帶)，但就要貴些小，不過就明顯冇(河合奈保子)咁靚聲，有時價錢同質數真係唔成正比。


當然，有時貴唔一定靚，好似BEYOND隻猶豫，聲唔算好靚，但就幾貴，不過鐘意，所以都買了，其實我都有隻CD，但正如剛剛所說，我裸住隻CD冇感覺，裸住隻黑膠碟，好有滿足感。


其實中文歌有時都有好野，好似(林憶蓮-都市觸角 PART III)同(林憶蓮-READY)，價錢唔算太貴，但就真係幾好聲。


劉美君-(赤裸感覺)同(依依)我都好鐘意。


講到靚聲，都要提下關淑怡-夜迷宮，但唔知點解，我隻碟內壓問題比較明顯！


仲有我近來才鐘意聽既慮冠廷，原來佢D歌咁好聽。
雖然唔算什應試機天碟，但聽歌講到尾，聽歌係要聽首歌，所以最仲要還是首歌。



以上只係一個乜都唔識而又想分享下既人，講錯了請勿見怪。

KING

D碟好鬼正呀!
師兄你露毛喎!

tennishk

D碟好鬼正呀!
師兄你露毛喎!
KING 發表於 2010-10-3 23:01

死啦，大旺盛！
即刻改先！

alexwrx

CHing "ging"

KING

死啦，大旺盛！
即刻改先！
tennishk 發表於 2010-10-3 23:03

好快手喎!

agic

"另外仲比我搵到隻(澤田研二)同(安全地帶)，但就要貴些小，不過就明顯冇(河合奈保子)咁靚聲，有時價錢同質數真係唔成正比....

我冇记錯Kawai Naoko 系Columnbia,當年是阿二,錄音靚過佢只得CBS Sony-Matsuda Seiko松田聖子

7500martin

黑膠碟的滿足感。

近排玩返黑膠碟，唔知點解，有時隻手裸住隻鐘意既黑膠碟，個種滿足感，CD真係從未有過， ...
tennishk 發表於 2010-10-3 22:41

    如果你喜歡河合奈保子, 你就不可錯過這張唱片, 整休歌曲一般, 但李克勤的月半小夜曲就是收錄在這張唱片當中!!

mooche

Ching, don't waste your money on those local reissued vinyls. You can spend the same amount on many vinyls which are MUCH MUCH better!

Top recommendation: The Magic Bow (Classical)

RICKYSO

黑膠毒一中左真係無解藥~

tennishk

如果你喜歡河合奈保子, 你就不可錯過這張唱片, 整休歌曲一般, 但李克勤的月半小夜曲就是收錄在這張 ...
7500martin 發表於 2010-10-4 00:18

真係未見過，不過我諗應該唔平。