回復 8# 鐵心心
(( 我就分享我當日上去後的即時感受
kenny238師兄：
首先好開心你繳請我上你屋企試試你套機！
係度我想講講係你度試聽後嘅感受：
首先一入屋俾我的感覺係好發燒，亦可講係高燒！！你係個廳度舖滿黑色嘅地毯,而牆身全部掛上黑色嘅絨布嚟包圍住全個廳,更燒嘅係連天花板都貼滿黑色嘅絨布同絨紙,直頭做出一個投影機最想去嘅樂園! 效果係全黑,熄燈後簡直伸手不見五指!!!試問有幾多人夠膽係個廳咁做,仲唔係高燒
先講講畫面,雖然你用只係一部高清入門Sony VPL-HW15 投影機,但在你漆黑環境低下,畫面有不錯嘅效果,絕對能發揮到呢部投影嘅所長!!!
另要講講你嘅主角,就係8部馬仔獨立後級,同雙中置雙超低嘅效果啦!
我本人從未聽過ONKYO嘅AMP,今次順便可以係你度試埋㖭,當然我唔能夠試到ONKYO獨立出聲嘅效果,但亦可感受到ONKYO加了後級嘅效果原來係可以好細緻同弱音是咁豐富,同加後級係可令到每隻喇叭出來的聲音係充滿力量,聽出來除了力量,還有質感都大大提升,感受過後,俾我知道加後級會係我末來嘅目標 呢個對我嚟講係—個得著!!!
至於有好多師兄對你嘅雙中置擺位都有不同嘅見解或誤解?當日我親身領教過 你Toe-in角度完全能將人聲set在投幕中位,還有移動感呢part都做得非常出色,聲音由左至右或右至左都連冠在一起,亦俾我知道當晝面越大要中置聲音填滿畫面?雙中置係有必要!!
其實道理好簡單:如果你用120寸或150寸大銀幕,往往銀幕闊度都超過10尺或以上,若唔係用透聲幕?將左右聲道及中置都放進銀幕背後,試問一隻中置又怎能填滿呢個超大畫面呢!!!!!!!要注意:中置唔係淨出人聲,還有好多爆破聲及環境聲!!!
最後你用兩隻sunfire HRS-10超低,出來嘅力量同質感,絕對比起用一隻HRS-12更強,低頻下潛力都非常強,雙10寸速到又快,講快當然唔能夠同MK比,但絕對唔慢..........正呀!!! ))
最後我都認同師兄所講，係電個part ，如改了獨立電同後級機尾線會更上一層樓 ，同埋後中置係就正頭後，感覺非常埋身但小了距離感..如可擺開一點點會更正......另之後聽過其他師兄用MK又有另一番感受，一對sunfire HRS-10量感十足，但未能打心口，及後聽師兄話會加隻MK250，到時真係要感受一下...... |
[複製鏈接]
發表於 2010-9-27 21:36
雙十仔加投影機.幾時到我上你度
