TTL 1.4 High Speed with Ethernet HDMI Cable 相集

阿定

話說換XBOX360 Slim時，整斷左條BJC，行開 SSP 同 TTL 的代理朋友吹開，佢就比左兩條 TTL 1.4 High Speed with Ethernet HDMI Cable 我返去試，試完好用先比錢，呢d咪毒友，害人不淺就係呢d朋友啦！

TTL 係通過左 HDMI 1.4a 認證的線材，朋友推介時當然成堆證書同資料比晒我睇，不過我都無1.4器材，又無3D電視，要1.4把鬼咩，但原來人地已經全線改為1.4，無1.3線的了，而且價錢係一樣的 (我懷疑條線都係一樣的)，加上總會有升級器材的一日(自己呃自己)，所以今時今日有1.4都真係無理由仲買寫住1.3的線，就算你同我講無分別，我心理關口都過唔到！

首先係 DIGI-THICK-1.5M，試玩過後，光亮度比我之前用的BJC好好多，明顯室內場景的黑位會睇多少少，當然一分錢一分貨，呢條千幾銀，BJC只係幾舊水，拿來比較並不公平就是了













再來係平價版的 DIGI-L2-1.5M ，同上面果條貴價野的分別係貴版用全金屬接頭，呢條平版用膠做，不過兩條都有用上RF-Block設計，當然貴價版的線身較粗，屏蔽會較好，由於我Amp去電視同 MagicTV去電視都係用 BJC，所以我都只能用BJC同佢比較，平價呢條同BJC比，唔會特別好，係光左，鮮左，但分別唔大，兩者格錢差不多，結果差不多亦理所當然









後話，TTL有齊認證，好處除左足料外，最重要係HDMI頭的大細都跟規矩做，有用過BJC的朋友都知道，BJC線身粗，頭又大，我自己今次整斷左一條BJC的HDMI頭真係好無奈，當然大家唔同我，唔會成日手多去換線玩，理應唔會斷線，但始終不少電視/電器都越做越Slim，不合格的HDMI頭，可能對安裝來講做成不少問題！

里奧

我用緊 TTL 1.3b (碟機-->AMP) , 佢D線真係無乜味精 (當然無味精既又未必個個都喜歡) , 同埋佢線身軟 , 唔怕屈住會爆口呢個設計係最好的 .

sunny388

幾銀呀師兄?

阿定

我用緊 TTL 1.3b (碟機-->AMP) , 佢D線真係無乜味精 (當然無味精既又未必個個都喜歡) , 同埋佢線身軟 , 唔 ...
里奧 發表於 2010-9-22 11:50

    你唔講我都唔記得提呢d添，佢線身就算係Thick版都好軟，我試過的Cable唔多，但真係只有佢條線我係真心覺得唔會屈得斷

阿定

幾銀呀師兄?
sunny388 發表於 2010-9-22 11:50

    團購區有價錢，可以參考下，鴨記大約賣緊1700 同 700

sunny388

唔該師兄

tech959

AV Magazine 上星期已有評測, 專利和證書這兩點已經不是其他線材可比較, 可能本人覺得是信心問題吧!! 仿間這麼多高仿線和山寨線, 有香港保養始終比較好

avpro

..........

KEI

回復 5# 阿定


    阿定兄:我想買一條3M,但團購區冇咗?

阿定

回復  阿定


    阿定兄:我想買一條3M,但團購區冇咗?
KEI 發表於 2010-9-24 22:11

    我按錯掣，被回收左，等小瑟兄上線就會幫我fix番！