亞仙奴英超對手 (22/5 作客對富咸)

raymond430

其實有無師兄知道點解雲加會突然用施捷斯尼打正選?
法比安斯基有做後備, 即係無傷啦! ...
Fabregas 發表於 2010-12-14 19:25

    我都好想知?
係場咁重要嘅比賽,突然用施捷斯尼打正?! 肯定有因?

kalok6

唉....唔通阿仙奴最須要換嘅係領隊?!
raymond430 發表於 2010-12-14 18:49

雲格教波方向我唔覺得有咩問題.......
法比有離心..?!你地講到佢好似想走咁樣既?

朗

我都好想知?
係場咁重要嘅比賽,突然用施捷斯尼打正?! 肯定有因?
raymond430 發表於 2010-12-14 19:53

噚日賽前講咗架嘞:

http://hk.news.yahoo.com/article/101213/18/lqhs.html

「雙紅會」雲格焗用超級後備龍
(商台)2010年12月13日 星期一 10:15

施捷斯尼？大概除了預備組賽事之外，大家都很難看到這位年僅20歲的阿仙奴波蘭門將的能力，不過機會到了，而且更是在萬眾矚目的「雙紅會」大戰曼聯時為「兵工廠」把守最後一關！

今晚深夜上演的「雙紅會」可謂全球焦點所在，曼聯能否在奧脫福球場擊敗阿仙奴重登榜首位置還看今場大戰，不過那邊廂費格遜事先張揚包括里奧費迪南、史高斯及艾拉等主力悉數復出，勢以最強人腳迎戰「兵工廠」之際，阿仙奴卻有首席門將法比安斯基負傷，被迫起用從未在英超賽事中上陣的「超級後備門將」施捷斯尼。

阿仙奴陣中的兩名常用門將法比安斯基及艾蒙尼亞都不是雲格心中的理想人選，無奈遲遲未能找到合適人選下，雲格棄用艾蒙尼亞並在今季起用法比安斯基，不過「雙紅會」前夕，法比安斯基因腿傷未能在今仗披甲，而艾蒙尼亞也「有傷在身」而繼續被剔出大軍名單，消息指「教授」將首度派遣施捷斯尼把守球隊最後一關，再以法比安斯基為後備。

Fabregas

噚日賽前講咗架嘞:



「雙紅會」雲格焗用超級後備龍
(商台)2010年12月13日 星期一 10:15

施捷斯尼？大 ...
朗 發表於 2010-12-14 22:23

咁希望法比安斯基傷耐啲, 施捷斯尼可繼續把關!
施捷斯尼應付兩邊高波同信心肯定好過法比安斯基! 出迎個勢更非常勇猛, 唔怕俾人撞!
佢既缺點係死球踢得唔遠, 處理回傳又係踢得麻麻地!

朗

.... 佢既缺點係死球踢得唔遠, 處理回傳又係踢得麻麻地!...
Fabregas 發表於 2010-12-14 23:01

呢啲應該係上陣經驗太少啫, 踢多啲冇問題架嘞!

Fabregas

呢啲應該係上陣經驗太少啫, 踢多啲冇問題架嘞!
朗 發表於 2010-12-14 23:13

應該係啦!
佢技術同心理質素都極佳!

kenny.k

我有留意佢開龍門球嘅動作,有啲唔自然,高而不遠.

朗

我有留意佢開龍門球嘅動作,有啲唔自然,高而不遠.
kenny.k 發表於 2010-12-14 23:52

就係經驗未足, 太緊張, 諗著炒高啲, 點知反而高而不遠.

raymond430

雲格教波方向我唔覺得有咩問題.......
法比有離心..?!你地講到佢好似想走咁樣既? ...
kalok6 發表於 2010-12-14 21:43

    教波大方向無錯,但他在掉兵顯將及戰術運用方面,個人有時都不太明瞭佢想點,如果係球員做唔到他的要求,咁作為一個領導者,係咪應該要更換呢?
你有無留意法比仔今年同上屆在場上表現! 狀態唔講,上屆他在中場不但係進攻上有所建樹(入球及助攻),在中場亦好積極地去搶奪對手腳下球! 但今屆只見佢係中場游來游去咁,好似漫不經心.....法比仔今年真係唔同咗 希望佢只因傷患而已.........
還有一點我想提出好耐架啦,你地有無留意每當入球後d球員反應? 阿仙奴不論誰人入波,好多時D球員好似無咩興奮嘅反應咁,當中只有雲佩斯,查馬克,伊保爾,拿斯尼比較上有反應,相比其他球隊入球之後成隊球員一齊歡呼擁作一團嘅場面....阿仙奴真係冷清好多,係咪意味班球員唔得團結及投入呢?

raymond430

就係經驗未足, 太緊張, 諗著炒高啲, 點知反而高而不遠.
朗 發表於 2010-12-15 00:02

    相信佢會係阿仙奴未來嘅希望(龍門),我都認同朗兄你所講佢太緊張,始終第一次英超且對手係最聯?當累積一定經驗定會改善!